ماہنامہ انوار مدینہ لاہور اپریل 2003 |
اكستان |
|
وفیات مدینة العلوم شاہی بازار سکھر کے مدیرحضرت مولاناعبدالمجید صاحب مدظلہم کے برادر خورد جناب حاجی نذیر احمد صاحب ٧٥ برس کی عمر پاکر سکھر میں انتقال کر گئے مرحوم تہجد گزا ر اور اپنے معمولات کے آخر تک بہت پابند تھے۔اللہ تعالیٰ ان کی مغفرت فرماکر جنت الفردوس میں جگہ عطا فرمائیں ۔مولانااو ر دیگر پسماندگان کو صبر جمیل کی توفیق نصیب ہو، اہل ادارہ ان کے غم میں برابر کے شریک ہیں۔ ٭ مولانا عبدالرشید صاحب پسرور ی گزشتہ ماہ کی ١٩ تاریخ کو عارضہ قلب کی وجہ سے پسرور میں انتقال فرماگئے مولانا پسرور شہر کی ممتاز شخصیت کے حامل تھے حق گو اور جرأ ت مند عالم تھے اسی وجہ سے جیل کی صعوبتوں کا بھی سامنا کرنا پڑا،ان کی وفات سے اہلِ شہر کو ناقابلِ تلافی نقصان ہوا ۔اللہ تعالی مولانا کی دینی اور ملی خدمات کو قبول فرماکر آخرت کے بلند درجات اور ان کے صاحبزادگان کو صبر جمیل اور ان کے نقشِ قدم پرچلنے کی توفیق عطا فرمائے۔ ٭ جمعیت علماء اسلام کے ناظمِ مالیات جناب خواجہ محمد زاہد صاحب کے چچا جناب خواجہ بشیر احمد صاحب ڈیرہ اسماعیل خان میں طویل علالت کے بعد ١١مارچ کو ٧٥برس کی عمر پاکر وفات پا گئے ۔انا للہ وانا الیہ راجعون ۔مرحوم بہت خلیق انسان تھے ان کی وفات پورے خاندان کے لیے بہت بڑا دھچکہ ہے ۔اللہ تعالیٰ ان کی مغفرت فرمائے اور خواجہ صاحب اور دیگر پسماندگان کو صبر کی توفیق نصیب ہو۔ ٭ جمعیت علماء اسلام کے سرگرم جناب بلال میر بٹ صاحب کی جواں سالہ بیٹی ناگہانی حادثہ میں گزشتہ ماہ کی ٢٨ تاریخ کو جاں بحق ہو گئیں انا للہ وانا الیہ راجعون ۔ اس اندوھناک حادثہ پر اہلِ جامعہ ان سے تعزیت پیش کرتے ہوئے دُعاء گو ہیں کہ اللہ تعالی مرحومہ کی مغفرت فرمائے اور بلال میرصاحب اور دیگر اہلِ خانہ کو صبرِ جمیل کی توفیق عطا فرمائے ۔آمین۔ جامعہ مدنیہ جدید او رخانقاۂ حامدیہ میں تمام مرحومین کے لیے ایصالِ ثواب اوردُعائے مغفرت کرائی گئی اللہ تعالیٰ قبول فرمائے۔