آپﷺ نے فرمایا کہ وہ ایک امّت بن کر آئے گا۔
فائدہ:سخاوت صرف روپے پیسے اور دولت لٹانے کا نام نہیں ہے، بلکہ اپنے علم کو لوگوں میں باٹنا بھی سخاوت وفیاضی ہے۔ بلکہ یہ بڑی سخاوت ہے۔ چنانچہ لاکھوں اور کروڑوں روپے راہِ خدا میں خرچ کرنے والے کے مقابلہ میں وہ عالمِ دین زیادہ سخی ہے جس نے علمِ دین حاصل کرکے اُس کو لوگوں میں عام کیا۔ کل قیامت کے دن اُس کی حیثیت مقتدیٰ اور پیشوا کی ہوگی اور جن جن لوگوں نے اُس سے فیض حاصل کیا ہوگا وہ سب اُس کی اقتداء میں ہوں گے۔
٭٭٭٭
۳۰ عالم شیطان کے بہکاوے میں جلدی نہیں آتا
۳۰ وَعَنْ اِبْنِ عَبَّاسٍؓ قَالَ قَالَ رَسُولُ اللهِﷺ: فَقِيهٌ وَاحِدٌ أَشَدُّ عَلَى الشَّيْطَانِ مِنْ أَلْفِ عَابِدٍ۔ (رواہ الترمذی)
(بحوالہ مشکوٰۃ: ۱/۳۴)
ترجمہ: حضرت ابن عبّاسؓسے روایت ہے فرماتے ہیں کہ اللہ کے رسولﷺ نے ارشاد فرمایا کہ ایک فقیہ شیطان پر ہزار عابدوں سے زیادہ بھاری ہے۔
فائدہ:علمِ دین کے حصول کا ایک فائدہ یہ بھی ہے کہ آدمی شیطان کے مکر وفریب سے بڑی حد تک محفوظ ہوجاتا ہے۔ شیطان ایک عالمِ دین اور فقیہ کو جلدی بہکانے نہیں پاتا، اِس لیے کہ