نوازا ہے، ان سے خاطر خواہ فائدہ اٹھا سکیں۔
سب سے پہلے یہ کوشش ہونی چاہیے کہ اس کتاب کو اپنی زندگی کا دستور العمل اور اپنے عقائد و اعمال کا گائڈ و رہنما بنایا جائے، اس لئے نہیں کہ یہ کسی ایسے مجتہد اور محقق عالم کی تصنیف ہے جس کو اللہ تعالٰی نے اپنے اس خاص علم سے نوازا ہے (جس میں دوسروں کا حصہ نہیں) کیونکہ سرے سے یہ واقعہ نہیں ہے، مصنف اپنی حقیقت و بساط سے واقف ہے، بلکہ اس وجہ سے کہ یہ کتاب ان ضروری و بنیادی اصول و مبادی، دینی حقائق، اجماعی مسائل جن پر تمام مسلمان خاص طور پر اہل سنت والجماعت متفق ہیں، اور رسول اللہ صلی اللہ علیہ و آلہ وسلم کی سنتوں اور آپ صلی اللہ علیہ و آلہ وسلم کے اخلاق و شمائل پر مشتمل ہے، جن کا جاننا ہر مسلمان کے لئے ضروری ہے، اس لئے اس کتاب کا مطالعہ تفریح طبع یا معلومات میں اضافہ یا مصنف کے بارے میں مہارت و کامیابی یا بے بضاعتی و ناکامی کا فیصلہ کرنے کے لئے نہ کیا جائے۔
مصنف محترم قارئین کے ساتھ اس بارے میں اپنے کو بھی شریک کرتا ہے، کیونکہ اس کتاب کے مضامین سے فائدہ اٹھانے کا وہ کچھ کم ضرورت مند نہیں ہے۔
۱۔ ہماری ابتداء اس سے ہونی چاہیے، جس سے خدا تعالٰی نے اپنی نازل کردہ کتاب اور اس کے رسول صلی اللہ علیہ و آلہ و سلم نے دین اور تبلیغ و رسالت کا آغاز کیا، ہم کو سب سے پہلے عقائد کی اصلاح اور قرآن پاک کی روشنی میں (جو عقیدہ میں کسی قسم کے فساد اور کمزوری کی گنجائش نہیں چھوڑتا) اپنے عقائد کا جائزہ لینا چاہیے، کیونکہ قرآن ہی وہ صاف و شفاف آئینہ ہے جس میں ہر شخص اپنا چہرہ اور اپنے خط و خال واضح طور پر دیکھ سکتا ہے، پیش نظر کتاب میں محض خدا تعالٰی کے فضل و انعام سے، اس سب کا