وہ عام اَذکار و اَوراد جن کی ترغیب و فضیلت آئی ہے اور رسول اللہ ﷺکی چند جامع دُعائیں۔
عام اَذکار و اَوراد:
یہاں وہ عام اَذکار و اَوراد ذکر کیے جاتے ہیں جن کی بکثرت صحیح احادیث میں تَرغیب اورفضیلت وارِد ہوئی ہے، اِس سلسلہ میں اِمام ابوزکریا محی الدین بن یحیٰ معرف بہ اِمام نَووی کی کتاب ”اَلاَذکار“ اور والد ماجد مولانا حکیم سید عبد الحی حسنی کی”تَلخیص الاَخبار“1؎ سے اِستفادہ و اِختصارکیا گیا ہے۔
رسول اللہﷺکا اِرشاد گرامی ہے:
كَلِمَتَانِ خَفِيفَتَانِ عَلَى اللِّسَانِ، ثَقِيلَتَانِ فِي المِيزَانِ، حَبِيبَتَانِ إِلَى الرَّحْمَنِ سُبْحَانَ اللَّهِ وَبِحَمْدِهِ
دو کلمے ہیں ،زبان پر ہلکے پھلکے اور میزانِ الٰہی میں بھاری بھر کم اور خدائے رَحیم کو بہت پسند(ایک)
------------------------------
1؎ : یہ کتاب ”تہذیب الاَخلاق“ کے نام سے چھپی ہے اور اس کے کئی ایڈیشن، حکومت قطر ”المکتب الاِسلامی بیروت“ اور دار الاِعتصام قاہرہ سے نکل چکے ہیں، کتاب دار العلوم نَدوۃ العُلماء کے نصاب میں داخل ہے۔