تحفہ تراویح |
سم اللہ |
 |
بسم اللہ الرحمن الرحیممقدمہ از شمس العلماء حضرت مولانا سلیمان صاحب شمسی ؔؒ شیخ الحدیث جامعہ اسلامیہ اشاعت العلوم اکل کوا جامعہ اشاعت العلوم اکل کوا کا اولین مقصد یہ ہیکہ قرآن پاک کو تجوید وصحت کے ساتھ پڑھا جائے ،قرآن کے پیغام واحکام سنے اور سمجھے جائیں اور عملی طور پر اپنی زندگی میں داخل کئے جائیں تاکہ حق تعالیٰ کے ساتھ صحیح تعلق پیدا ہو ،اللہ رب العزت کی عظمت وشوکت،حاکمیت ومالکیت کا سکہ دلوں پر بیٹھے ،شر وفساد ،ظلم وعدوان کا اہرمن دم گھٹ کر مر جائے اور خیر وصلاح ،عدل وکرم ، کا یزداں سایۂ گستر ہو جائے ،نیز جامعہ ہر ممکن طور پر یہ حقیقت آشکارا کرنا چاہتا ہے کہ قرآن کریم ہی وہ انقلابی کتاب ہے جس نے چھ صدیوں کی بگڑی دنیا صرف ۲۳؍سال کی قلیل مدت میں تیر کی طرح درست کر دیا ،چھ سو برسوں کے مردہ دلوں کو نہ صرف نئی زندگی بخشی بلکہ ان کو مسیحائی کے مقام پر لا کھڑا کیا ،برسہا برس کے زنگ خردہ قلوب پر ایسی قلعی چڑھائی کہ پھر کوئی میل کچیل ان کے قریب نہ آسکی ، قرآن کریم ایک مؤثر اور حیرت انگیز انقلاب برپا کرنیوالی کتاب ہے جس کی تاثیر کو آج بھی آزمایا جا سکتا ہے ،کیونکہ یہ ایک زندہ کتاب ہے اسمیں آج بھی وہی معجزہ نما تاثیر موجود ہے جو آج سے پندرہ سو برس پہلے موجود تھی ،قرآن مالک الملک کا کلام ہے ،رب کائنات کا پیغام ہے ،علیم وخبیر کی طرف سے اہل علم کیلئے قانونی دستاویز ہے،حکیم مطلق کا تجویز کیا ہوا نسخہ کیمیا ہے ،اپنی قوت تاثیر کو قرآن خود اپنی زبان میں یوں بیان کرتا ہے ۔’’لَو اَنزلنَا ھٰذَا القُرآنَ علٰی جبلٍ لَرأَیتَہٗ خَاشِعًا مُّتَصَدِّعًا مِّنْ خَشْیَۃِ اللّٰہِ ‘‘ اگرہم اس قرآن کو کسی پہاڑ پر نازل کرتے تو اے مخاطب تو اس کو دیکھتا کہ خدا کے خوف سے دب