تحفہ تراویح |
سم اللہ |
|
باسمہ تعالیٰ :-کتاب ھدایت کے انمول موتی :-تقریظ دل پذیر از :۔جامع العلوم استاذ الاساتذہ حضرت مفتی عبد اللہ صاحب المظاہری بانی ٔ جامعہ مظہر سعادت ہانسوٹ گجرات الھند حامداومصلیا ومسلما ...........قرآن مجید دنیا میں سب سے زیادہ پڑھی جانے والی ،سب سے زیادہ چھپنے والی ،سب سے زیادہ قابل احترام اور سب کتابوں کی ناسخ کتاب ہے ۔ جس میںخالق ارض وسماء مالک کون مکاں نے تخلیق کائنات کا مقصد ،اعمال صالحہ وافعال سیئہ پر مرتب ہونے والے نتائج ،ایمان ویقین ،کفر وشرک کے راستوں کا تعین ،ان پر جزاء وسزا کا تذکرہ ، قبرو برزخ ،حشر ونشر ،قیامت وآخرت کے احوال ،جنت ودوزخ کے حالات ،سزاؤں کی اقسام ،جزاؤں کے درجات کا خوب تذکرہ کیا ہے جسمیں امم سابقہ کی ہلاکتوں کی داستاں بھی ہے ، اور انکی ترقیوں اور خدا داد نعمتوں پر شکر ادا کرنے ،عروج عزت وافتخار کے قصے بھی ہیں جو برائے درس زندگی اور عبرت کیلئے ہیں ۔ امت مسلمہ نے قرآن مجید کے حفظ ،تلاوت اور اشاعت کا ہمیشہ اہتمام کیا ہے اور رمضان المبارک تو قرآن مجید کا موسم بہار ہے ،اس ماہ میں تمام مسلمانوں کا رجوع قرآن مجید کی طرف ہوتا ہے لیکن ہم لوگ عجمی ہونے کی بناء پر قرآن مجید کو سمجھتے ہیں اور نہ سمجھنے کی کوشش کرتے ہیں ، ہاں ہماری نمازیں پابندی سے ہوتی ہیں ،ہم تلاوت بھی خوب کرتے ہیں ،لیکن قرآن مجید سمجھنے سے قاصر ہیں اس کے لطف اور مزے سے نا آشنا ہیں مقصود خدا سمجھنے اور فرمان الٰہی کے جاننے سے عاجز