تحفہ تراویح |
سم اللہ |
 |
بیسویں تراویح آج کا بیان چوبیسویں پارے کی تلاوت پر مبنی ہے ارشاد ربانی ہے کہ ’’ فَمَنْ اَظْلَمُ مِمَّنْ کَذَبَ عَلَی اللّٰہِ وَکَذَّبَ بِالصِّدْقِ اِذْ جَائَ ہٗ ۔اس سے بڑھ کر ظالم کون ہے جو اللہ پر جھوٹ لگا ئے اور سچی بات کو جھٹلائے ایسے لوگوں کا ٹھکانہ جھنم ہے اور حق کی تصدیق کرنے والوں کا انعام اللہ کے پاس ہے اپنے بندوں کیلئے اللہ کی مدد کا فی ہے ۔ اَلَیْسَ اللّٰہُ بِکَافٍ عَبْدَہٗ ۔ اللہ نے قرآن سب ہی انسانوں کی ہدایت کیلئے نازل فرمایا ہے جوسیدھی راہ اختیار کرے گا وہ اپنے فائدے کیلئے کریگا ، اور جو راہ سے بھٹک جائیگا اس کے بعد بھٹکنے کا وبال خود اسی پر ہوگا ،پیغمبر پر اس کی کوئی ذمہ داری نہیں ہے ۔ کیا لوگ نہیں جانتے کہ رزق کی تنگی اور کشادگی سب اللہ کی طرف سے ہے ، منکرین اب بھی تو بہ کرلیں اور اللہ کے فرمانبردار بندے بن جائیں ،اللہ غفور رحیم ہے ، اس کی رحمت سے مایوس نہ ہوں ،اس کے بعد سورۂ مؤمن شروع ہوتی ہے ،قرآن مقدس خدائے عزیز وعلیم کی طرف سے نازل شدہ ہے ، اللہ گناہ بخشنے والے توبہ قبول کرنے والے اور سخت سزا دینے والے ہیں ۔قدرت والے ہیں اس کے سواء کوئی خدا نہیں اس کے پاس سب کو جانا ہے ۔ لَااِلٰہَ اِلَّا ھُوَ اِلَیْہِ الْمَصِیْرُ ۔ آیات قرآنیہ میں کفار جھگڑا کرتے ہیں مسلمانوں کو ان کی وقتی شان وشوکت کے فریب میں نہیں آنا چاہیئے ،کفار بالآخر ہماری گرفت میں آئینگے اور جھنم میں ایندھن بنیں گے ۔ اے مسلمانو! تم اللہ کو پکارو اور شرک سے بچے رہو خواہ تمہارا یہ عمل کافروں کو کتنا ہی برا کیوں نہ لگے ،اللہ اپنے پیغمبروں کو اس لئے بھیجتا ہے کہ لوگ خبردار ہو جائیں اور سخت دن سے