تحفہ تراویح |
سم اللہ |
 |
باسمہ تعالیٰرائے عالی ناشرقرآن حضرت مولانا غلام محمد صاحب وستانوی متعنا اللہ بطول حیاتہ رئیس الجامعہ اشاعت العلوم اکل کوا ورکن شوری دارالعلوم دیو بند أفلا یتدبّرو ن القرآن ؟ قرآن مبین کو مقدس کتاب ہونے کے ساتھ ساتھ کلام الٰہی ہونے کا بھی شرف حاصل ہے ! یہ ایک پر حکمت آفاقی اور لا ثانی کتاب ہے اس کی تلاوت باعث اجر وثواب اور عمل باعث نجات ہے ، اسکے ساتھ محبت علامت ایمان اس کا شغف مسلمان کی شان مؤمنین کیلئے یہ ذکریٰ ہے تو متقین کیلئے ہدیٰ اور زندگی کے ہر موڑ پر رہنمائی کرنے والا مکمل دستور بھی ،اس کی بار بار تلاوت اور تدبر سے جو کہ قرآن کریم کامطالبہ ہے نئے نئے معانی پیدا ہوتے ہیں دنیا وآخرت کا ایقان اور احسان پیدا ہوتا ہے اگر اسکے معانی بالتفصیل بیان کئے جائیں تو وہ شافی ہیں اور بالاختصار بیان کئے جائیں تو کافی ہیں ، الغرض علوم ومعارف کا بحر ناپید اکنار عقلوں کا دفتران گنت پند ونصائح کا گنجینہ ہے کسی شاعر نے کیا خوب کہا ہے، جمیع العلوم فی القرآن لکن تقاصر عنہ افھا م الرجال یہی وہ قرآن ہے جس کی تعلیم نے اس قوم کو جو دنیا کی ساری قوموں میں پسماندہ اور گھٹیا تھی اتنا اونچا کیا دنیا کی تمام قومیں اس کے سامنے سرنگوں ہو گئیں ، جس زمانہ کو زمانۂ جاہلیت کہا جاتا تھا اسی تعلیم کے صدقہ اسے خیر القرون کہا جانے لگا ،الغرض قرآن کریم کی تعلیم اور اس کا پیغام امت کے ایک ایک فرد تک لازمی اور ضروری ہے تاکہ بگاڑ دور ہو اور افراد امت میں صلاح وفلاح پیدا ہو ، الحمدللہ علماء امت نے قرآن کریم پر کافی محنتیں کیں اور اس کے الفاظ ومعانی پر چھوٹی بڑی بے شمار کتابیں لکھیں ، عزیزم مولانا عبد الرحیم صاحب فلاحی ؔ نے جو کہ جامعہ ہذا کے لائق فائق اور فعال استاذ ہیں اسی سلسلہ کا