تحفہ تراویح |
سم اللہ |
|
ڈریں جب ان کا سب کیا کرایا ان کے سامنے کھول کر رکھ دیا جائیگا ، وہ انصاف کا دن ہوگا اور ہر شخص اپنے کئے کا بدلہ پائیگا ،کسی پر کوئی ظلم نہ ہوگا ،وہاں نافرمانوں کا نہ کوئی دوست ہو گا نہ شفاعت کرنے والا ،اللہ کا فیصلہ بے لاگ ہوگا ۔ اللہ ارشاد فرماتے ہیں کہ ہم اپنے پیغمبروں کی بھی اور ان پر ایمان لانے والوں کی بھی اس دنیا میں مدد فرماتے ہیں اور قیامت کے دن بھی مدد فرمائیں گے ۔’’ اِنَّا لَنَنْصُرُ رَسُلَنَا وَالَّذِیْنَ آمَنُوْا فِیْ الْحَیٰوۃِ الدُّنْیَا وَیَوْمَ یَقُوْمُ الْاَشْھَادُ‘‘ ۔ اس لئے بہتر یہی ہے کہ اے لوگو! اللہ کی پناہ مانگو ،یاد رکھو کہ اندھا اور دیکھنے والا برابر نہیں ہو سکتے اسی طرح ایمان دار اور بد کار برابر نہیں ہو سکتے مگر لوگ کم ہی سمجھتے ہیں ۔ اس کے بعد سورۂ حٰمٓ السجدہ شروع ہوتی ہے ، ارشاد باری تعالیٰ ہے کہ سمجھداروں کیلئے قرآن مجید اچھے اعمال کی وجہ سے خوش خبری اور بے اعمال کی سزا کا خوف دلانے والی کتاب ہے ۔ اے نبی ! لوگوں کو بتا دیجئے کہ میں تم ہی جیسا ایک بشر ہوں لیکن فرق یہ ہے کہ مجھ پر اللہ کی وحی نازل فرمائی جاتی ہے جس کی وجہ میں تمہیں ہدایت کرتا ہوں کہ اللہ واحد ہے اس کے ساتھ کسی کو شریک نہ کرو اور اسی پر ایمان لاؤ ،اپنے برے اعمال سے توبہ کرو ، زکوۃ اد اکرو، آخرت پر پورا پورا یقین رکھو ،جہاں روز حساب تمہارے تمام اعضاء تمہارے اچھے برے اعمال کی گواہی دیں گے ۔ اے مسلمانو! اگرشیطان تمہیں برائی پر اکسائے تو اللہ کی پناہ مانگ لیا کرو وہ سب کچھ سنتا ہے اور سب کچھ ہی جانتا ہے ، عبادت کے لائق صرف اسکی ذات پاک ہے۔