مرزا کہ بدین گشت لقب دجالش
صد شکر کہ حق نمود استیصالش
قد خاب من افتری بیان حالش
وان حال بہ قطع قادیانی سالش
حقوحق
نکھیڑا ہویا ہن کی جھوٹھے بولن
ہن ڈاڈھے بے شرم جے اس تھیں پچھے بی مونہہ کھولن
اعوذ باﷲ السمیع العلیم من الشیطان الرجیم!
’’ان اﷲ لا یصلح عمل المفسدین (یونس)‘‘
جادو گراں نوں حضرت موسیٰ آکھیا حشر دھاڑے
کم فسادیاں دے نوں اﷲ پاک نہ راس اتارے
جد حق دیکھیا جادوگر ایمان لیائے آہے
عبدالحق دے آگے ڈھیٹھا مرزا حجتاں ڈاہے
’’قل ان الذین یفترون علی اﷲ الکذب لا یفلحون (یونس)‘‘
نبی نوں رب فرمایا جیہڑے جھوٹھ اﷲ پر لاون
آکھ نہ بچسن اوہ الزاموں اتے مراد نپاون
اٹکل رملیاں دی بی کدی کداہیں سچ ہو جاوے
مرزا جھوٹھ اﷲ پر لاوے کدی مراد نپاوے
’’ویوم القیامۃ تری الذی کذبوا علی اﷲ وجوہہم مسودہ (الزمر)‘‘
حشر دھاڑے دیکھ لویں گا توں اے دیکھن والے
اﷲ اوپر جھوٹھ جو بولن منہ انہاں دے کالے
غضب الٰہی ہن بی وقت ضرورت جد کدی آوے
ایہاں جیہاں دا ایتھے بی منہ کالا کر دکھلاوے
مرزے نالوں ودھ کسے دا منہ کالا کد ہویا
منہ کالا گل رسا اپنے موہوں من کھلویا
’’ولنذیقنہم من العذاب الادنی دون العذاب الاکبر لعلہم یرجعون (سجدہ)‘‘
بدکاراں نوں اسیں چکھاساں دنیا وچ عذابوں
وڈے عذاب تھیں ارے بھلاجے مڑن اس کم خرابوں
ربا فضل کرم تھیں دیہہ سعد اﷲ نوں تو فیقاں
سعی مبارک تے مشکور جورد کرے زندیقاں
نیت خالص قسمت کرتاں چنگے عمل کماوے
بخش ایمان جو بدیاں نوں بھی نیکیاں کر دکھلادے