طمع دھمکیاں ایہ نویں رن خاطر کیوں مسیح نصرت ایہودین دی اے
اوپر ہیٹھ تیرا دونویں کھل گئے اوتوں رنگ وچوں تھالی ٹین دی اے
د دس کہاں جھوٹھیا پاپیا اوئے جیدا توں مثیل کہاوندائیں
تیری وانگ دنیا وچہ رہا سی اوہ نالے توں پتر کیہڑی ماوندائیں
بھانڈا بہن چکا تیرا میر ناصر گلاں ایڈیاں کاہنوں بناؤندائیں
ہوچکیا فیصلہ آسمانی کیہڑا فیصلہ ہور سناؤندائیں
ذ، ذرا نہ خوف دل چہ تیرے دشمن پاک رسول دے قول دائیں
جھوٹھ موٹھ کریں دعوے ایڈا وچے بھل گیا کیڑا کیدے بولدائیں
بنیں پت حجازی خدا دا توں ماریا ہو یا شیطان دے دھولقائیں
دعویٰ بحث دا وڈیاں نال کر کے جدوں وقت آوے پیا ہوا ہوندائیں
ر، رب دیاں قدرتاں دیکھ لے توں وچہ لودیانے کہیا خوار ہویا
مرزا صاحب نال توں گیا دلی دھی مرگئی سخت لاچار ہویا
اوتھے عالماں نے جدوں گھیر لیا بحث واسطے پھیر تیار ہویا
وچہ چاندنی محل دے دیکھنے نوں جمع آدمی چار ہزار ہویا
ز، زور رئیس سب لاتھکے سارا بحث والا انتظام کر کے
بھیجے لین سواری بی نال دتی حیلہ ساز جھوٹا کویں گھروں سر کے
شیخ کل نذیر حسین حضرت بیٹھے منتظر بحث دا دھیان دھر کے
کیتا جھوٹھ بہانڑا جھوٹھڑے نے گھروں ہیر نہ چکیا مول ڈر کے
س، ساریاں لوکاں نے جان لیا مرزا گفتگو کرن تھیں بھجدا اے
کچا وعدیاندا جھوٹا دعویاندا خالی ڈھول وانگوں اینویں گجدا اے
اوتھے جاں تے جان دا خوف مینوں دسو ایہ حیلہ کیہڑے چجدا اے
اعتقاد گندے ڈا ڈآں ماردے دہن داؤ بازیاں نال ہن کجدا اے
ش، شرع دی گل نوں کرے ٹھٹھے اتوں ولی بندا وچوں نیچری اے
کھان پین وغیرہ دی کی صورت اوتھے عیسیٰ دا جسم جے عنصری اے