گئے۔‘‘ (ازالہ اوہام حصہ اوّل حاشیہ ص۲۹،۳۰، خزائن ج۳ ص۱۱۷)
ناظرین! آپ کو یاد ہوگا کہ احسن المناظرین صاحب نے فرمایا تھا کہ یہ تو کسی معترض کی تقریر مرزاقادیانی نے جواب دینے کے لئے نقل کی ہے۔ اب میں عرض کرتا ہوں کہ مولوی صاحب اس کا نام بتلائیں کہ کس کافر نے کون سی کتاب میں یہ تقریر کی ہے۔ ہرگز مولوی صاحب نہ بتاسکیں گے تو اب اے ناظرین! آپ غور کریں کہ جناب احسن المناظرین نے یہ کیسا دھوکا دینا چاہا اور کتنا قبیح مغالطہ دیا ہے کہ جس کی ایک ذرہ اصل نہیں ہے۔ حضرات مرزاقادیانی نے اس لمبی چوڑی تقریر کا نتیجہ نکالا ہے کہ: ’’یہ اس بات کی طرف اشارہ ہے کہ مؤمنین سے مداہنہً کی امید مت رکھو۔‘‘ (ازالہ اوہام حصہ اوّل ، خزائن ج۳ ص۱۱۷)
اس نتیجہ سے بھی صاف یہ بات نکلتی ہے کہ یہ کسی معترض کی تقریر مرزاقادیانی نے نقل نہیں کی۔ اصل بات وہی ہے جو عاجز نے عرض کی ہے۔ چونکہ مرزاقادیانی کا بھی یہ دعویٰ ہے کہ میرا کلام بھی مثل قرآن مجید بے مثل وبے مانند ہے۔ اس لئے مرزاقادیانی پر جو نکتہ چینی کی گئی انہوں نے بتلادیا کہ یہ اعتراض نعوذ باﷲ قرآن شریف پر بھی ہوسکتا ہے۔ چنانچہ مرزاقادیانی ارشاد فرماتے ہیں: ’’وہ حکمت جو میرے منہ سے نکلتی ہے اگر کوئی بھی اس کی مانند کہہ سکتا ہے تو سمجھو کہ میں خدا کی طرف سے نہیں آیا۔‘‘ (ازالہ اوہام حصہ اوّل ص۲،۳، خزائن ج۳ ص۱۰۴)
یہ ارشاد مرزاقادیانی کا مقابل اس آیۂ کریمہ کے ہے۔ ’’وان کنتم فی ریب مما نزّلنا علیٰ عبدنا فاتوا بسورۃ من مثلہ‘‘ یہ دعویٰ مرزاقادیانی کا بالکل اس مصرع کے مطابق ہے مصرعہ
مینڈکی کو بھی لو زکام ہوا
اب چونکہ مرزاقادیانی مسیح موعود یا ان کا مثیل بننا چاہتے ہیں۔ تو اسی طرح اپنی طرف سے اپنے اوپر ایک اعتراض گھڑ کے حضرت عیسیٰ علیہ السلام کے اخلاق اور کلام اور معجزات پر ایسے اعتراض کئے ہیں کہ جس سے یہ نتیجہ پیدا ہو کہ حضرت عیسیٰ میں کوئی ایسی اعجوبہ بات نہ تھی جو مرزاقادیانی میں نہیں ہے۔ چنانچہ مرزاقادیانی ارشاد فرماتے ہیں۔ ’’مشابہت کے لئے مسیح کی پہلی زندگی کے معجزات جو طلب کئے جاتے ہیں اس بارہ میں میں ابھی بیان کر چکا ہوں کہ احیاء جسمانی کچھ چیز نہیں۔ احیاء روحانی کے لئے یہ عاجز آیا ہے اور اس کا ظہور ہوگا۔ ماسواء اس کے اگر مسیح کے اصلی کاموں کو ان حواشی سے الگ کر کے دیکھا جائے جو محض افتراء کے طور پر یا غلط فہمی کی وجہ سے گھڑے گئے ہیں تو کوئی اعجوبہ نظر نہیں آتا۔‘‘ (ازالہ اوہام حصہ اوّل ص۶، خزائن ج۳ ص۱۰۵)