ماہنامہ انوار مدینہ لاہور نومبر 2006 |
اكستان |
|
موقع پر صوبہ سرحد و بلوچستان میں رمضان المبارک کے جو روزے ضائع ہوئے ہیں اُس کے بار ے میں وہاں کی صوبائی حکومتیں واضح اعلان کریں تاکہ لوگ اُن کی قضا کر لیں۔ مناسب ہو گا کہ اِس موقع پر علمائے کرام ،مرکزی اور صوبائی حکومتیںعوام کو رؤیت ہلال کمیٹی کی اہمیت اس کا دائرۂ کار اور طریقہ کار سے متعارف کروا کر یہ باور کرائیں کہ یہ کمیٹی ہر مسلک سے تعلق رکھنے والے چاروں صوبوں کے ذمہ دار غیر تنخواہ یافتہ اعزازی ارکان کے علماء کرام پر مشتمل ہوتی ہے اور بغیر کسی دبائو کے شرعی اصولوں کے تحت آزادانہ فیصلہ کرتی ہے۔دانستہ غلطی کی صورت میں اللہ کے یہاں جوابدہ ہوگی اور ملک میں موجود علماء کرام بھی ان کا مواخذہ کریں گے۔نادانستہ غلطی کی صورت میں اللہ کے یہاں بھی گرفت نہیں ہے اور دُنیا میں بھی کوئی سزا نہیں ہے۔غلط فیصلہ کی صورت میں جن روزوں کا نقصان ہو جاتا ہے ،قضاء کی شکل میں اُس کا تدارک کیا جا سکتا ہے ۔لہٰذا عوام الناس کو چاہیے کہ یہ معاملہ علماء کرام کی سرکردگی میں قائم کمیٹی ہی کے حوالہ رکھیں اور اُس کے فیصلوں پر عمل کریں۔ اﷲ تعالیٰ ہم سب کا حامی وناصر ہو، آمین ۔ جامعہ مدنیہ جدید کے فوری توجہ طلب ترجیحی اُمور (١) مسجد حامد کی تکمیل(٢) طلباء کے لیے دارالاقامہ (ہوسٹل) اور درسگاہیں(٣) کتب خانہ اور کتابیں (٤) پانی کی ٹنکی ثواب جاریہ کے لیے سبقت لینے والوں کے لیے زیادہ اجر ہے (ادارہ)