ماہنامہ انوار مدینہ لاہور مارچ 2003 |
اكستان |
|
جدید حاشیہ قرآن کریم پر ایک تحقیقی نظر ( حضرت مولانا محمد امین صفدر اوکاڑوی ) شاہ فہد (خادم حرمین شریفین )نے اولاً مجمع الملک فہد (مدینہ منورہ ) کی طرف سے ترجمہ شیخ الہند بڑے اہتمام سے شائع کیا تھا جو حسبِ توقع تمام اُردوداں حلقہ میں بے حد مقبول ہوا ،مگر چند حاسدین اس کی مقبولیت پر دل برداشتہ ہوگئے اور طرح طرح کی شکایات سعودی حکومت تک پہنچا کر ترجمہ شیخ الہند کی جگہ نئے پیرہن اور نئے انداز میں ترجمہ ''جوناگڑھی'' کی ا شاعت میں کامیاب ہو گئے ۔یہ ترجمہ عامة المسلمین میں قطعاً نامقبول ہے اور اس کی اشاعت سے سعودی حکومت کا اشاعتِ علوم قرآن کا منصوبہ یقینا متاثر ہو رہا ہے ۔اسی پہلو پر فاضل مضمون نگار نے ذیل کے مضمون میں روشنی ڈالی ہے۔ملاحظہ فرمائیں ! موجودہ سعودی حکومت کی یہ خواہش ہے کہ مسلمان قرآنی تعلیمات کے زیور سے آراستہ ہوں،اس بارے میں شاہ فہد نے ایک مجلس شورٰ ی قائم کی اور اس مجلس شورٰی نے فیصلہ فرمایاکہ حضرت شیخ الہند مولانا محمود الحسن رحمة اللہ علیہ اور شیخ الا اسلام حضرت مولاناشبیر احمد عثمانی رحمةاللہ علیہ کی تفسیر کی اشاعت کی جائے اور اس بارے میں اس مجلس کی رائے یہ ہے : سب تعریفیں اللہ کے لیے ہیں جو سارے جہان کا پالنے والا ہے اور اللہ کی رحمت اور سلامتی ہو محمد مصطفٰی ۖ اور ان کے آل واصحاب پر ۔امابعد ! خادم حرمین شریفین شاہ فہد بن عبدالعزیز ا ل سعود حفظہ اللہ نے قرآن کریم کی طباعت و اشاعت اور مختلف زبانوں میں اس کے ترجمہ و تفسیر کی بابت جو احکامات دئیے ہیں ان کو عملی جامہ پہنانا شاہ فہد قرآن کریم پرنٹنگ کمپلیکس مدینہ منورہ کا اولین مقصد ہے ۔عربی سے ناواقف مسلمانوں کو (خاص طورپر اس دور میں )قرآنی علوم ومعارف سے روشناس کرانے کے لیے دنیا کی اکثر زبانوں میں قرآن کریم کے مختلف اور متعدد ترجمے اور تفاسیر لکھی گئیں اور زبانوں کی طرح اُردو زبان بھی ایک خاص حیثیت کی مالک ہے ، اس لیے اس میں بھی قرآن کریم کے مختلف اور متعدد ترجمے اور تفاسیر موجود ہیں ۔اُردو زبان میں موجود تراجم وتفاسیر اسی سلسلہ کی ایک کڑی ہے اس پس صفحہ نمبر 8 کی عبارت منظر میں ''شاہ فہد قرآن کریم پرنٹنگ کمپلیکس ''اور ''رابطہ عالم اسلامی '' باہمی تعاون سے مختلف زبانوں میں معتمد علماء کے تراجم وتفاسیر کو منتخب کرکے شائع کرتے ہیں تاکہ اسلامی دنیا کی ضرورت کو پورا کرنے میں اپنا کردار ادا کریں اور تلاوت کرنے والا قرآنی مفہوم و معانی پر مطلع ہو سکے ۔قرآن پاک کے اردو ترجمہ وتفسیر کی اہمیت کو مدنظر رکھتے