ماہنامہ انوار مدینہ لاہور مارچ 2003 |
اكستان |
 |
وفیات جناب حاجی مبین احمد صاحب کو صدمہ جامعہ مدنیہ جدید کے قدیم خیر اندیش اور رکن مجلسِ شورٰی جناب حاجی مبین احمد صاحب مدظلہم کی بڑی ہمشیرہ صاحبہ ٤ فروری کو اچانک حرکت قلب بند ہونے سے وفات پا گئیںانا للہ وانا الیہ راجعون۔ مرحومہ مصائب پر صبر کرنے والی،ہر کسی کی غمخوار اور رحم دل خاتون تھیں۔ مرحومہ کی وفات سے خاندان ایک دعا گو اورشفیق سائے سے محروم ہو گیا۔اللہ تعالیٰ مرحومہ کی مغفرت فرما کر جنت الفردوس میںجگہ اور اہل خاندان کو ان کا نعم البدل عطا فرمائے۔کارکنانِ ادارہ حاجی صاحب مدظلہم کے اس غم میں برابر کے شریک ہیںقارئین کرام سے دعاء مغفرت اور ایصالِ ثواب کی خصوصی درخواست ہے۔ ٭ سرگودھا کے ممتاز عالمِ دین حضرت مولانا قاری سعید صاحب گذشتہ ماہ عین عید الاضحی کے دن حرکت قلب بندہو جانے سے وفات پا گئے۔مولانا ایک حق گو انسان تھے ،جمعیت علماء اسلام کے لیے آپ کی خدمات قابلِ تحسین ہیں۔دین کی سربلندی اور عوام الناس کی فلاح کے لیے ہمیشہ فکر مند رہتے تھے۔اللہ تعالیٰ مولانا کی مغفرت فرما کر جنت الفردوس میں جگہ عطا فرمائے ۔اُن کے صاحبزادگان کو ان کے نقشِ قدم پر چلنے کی توفیق نصیب ہو ،ادارہ ان کے غم میں برابر کا شریک ہے۔ ٭ جامعہ مدنیہ جدید کے بہت ہی مخلص اور سرگرم نوجوان معاون جناب ابصار احمد صاحب کے نانا محترم جناب محمد اسلم خان صاحب بھی ٩٥ برس کی عمر میں رحلت فرما گئے انا للہ وانا الیہ راجعون۔مرحوم بہت دیانتدار ،عبادت گذار اور شب بیدار انسان تھے۔اللہ تعالیٰان کو اپنے جوارِرحمت میں جگہ عطا فرمائے۔ادارہ ان کے پسماندگان کی خدمت میں تعزیتِ مسنونہ پیش کرتا ہے اوردُعاگو ہے کہ اللہ تعالیٰ ان کے پسماندگان کو صبرِ جمیل عطا فرمائے۔