ماہنامہ انوار مدینہ لاہور مارچ 2003 |
اكستان |
 |
تفسیر : یہودیوں پر جو ذلت ومسکنت غضب الٰہی کے نتیجے میں مسلط کی گئی ہے اس سے وقتی طور پر بچائو کی دو صورتیں ہیں:ایک یہ کہ وہ اللہ کی پناہ میں آجائیں ،جس کامطلب یہ ہے کہ وہ اسلام قبول کر لیں یا اسلامی حکومت میں جزیہ دے کر ذمی کی حیثیت سے رہنا قبول کر لیں ۔دوسری صورت یہ ہے کہ لوگوں کی پناہ ان کو حاصل ہو جائے اس کے دومفہوم بیان کیے گئے ہیں : ایک یہ کہ اسلامی مملکت کی بجائے عام مسلمان ان کو پنا ہ دیدیں جیسا کہ ہر مسلمان کو یہ حق حاصل ہے اور اسلامی مملکت کے حکمرانوںکو یہ تاکید کی گئی ہے کہ وہ ادنیٰ مسلمان کی دی گئی پناہ کو بھی ردنہ کریں،دوسرا یہ کہ کسی بڑی غیر مسلم طاقت کی پشت پناہی ان کو حاصل ہوجائے کیونکہ ''الناس ''عام ہے اس میں مسلمان اور غیر مسلمان دونوں شامل ہیں ،جیسا کہ یہودیوں کی موجودہ حکومت (اسرائیل )امریکہ برطانیہ او رفرانس وغیرہ کی حمایت سے قائم ہے ان بڑی طاقتوں نے اپنے استعماری مقاصد اور مسلمانو ں کو نقصان پہنچانے کی غرض سے اس یہودی مملکت کووجود بھی بخشا ہے او ر وہ اس کے مستقل پشت پناہ بھی ہیں ،اس لیے یہودیوں کی اس مملکت کی وجہ سے جو دراصل امریکہ وغیرہ کی شرقِ اوسط میںایک چھائونی ہے اس شبہ او ر مغالطہ کا شکار نہ ہونا چاہیے کہ یہ اس ذلت ومسکنت کے خلاف ہے جو ان کی بابت قرآن میں بیان کیاگیا ہے بلکہ قرآن کی صداقت کا یہ منہ بولتا ثبوت بہ عبرت دیکھنا چاہیے کہ یہ حکومت ہر طرح کے امکانات سے مسلح ہونے کے باوجود ایک ایسی ذلیل او ررُسواکن صورت حال سے دوچار ہے جو دنیا کی کسی قوم او ر حکومت کے حصہ میں نہیں آئی ،یعنی اس کے طاقتور اور ہتھیاروں سے لیس فوجی دستوں کو معمولی عمر کے بچے یوں پتھر مارتے ہیں جیسے بندروں کو پتھر مارا جا رہا ہو اور یہود برس ہا برس سے ہر طرح کی قوت و حکمت صرف کرنے کے باوجود اپنی اس ذلت آمیز صورتِ حال کو بدلنے میں ناکام ہیں ۔(خذلھم اللّٰہ) آخری بین القوسین عبارت نئے ایڈیشن سے حذف کردی گئی ہے، مقابلہ کرو پہلا ایڈیشن صفحہ ٨٢ ،حاشیہ ٤ ،دوسرا ایڈیشن صفحہ ١٦٧ حاشیہ ١ ۔ (٢) حکومت اسرائیل : آیت : یا یھا الذین آمنوا لا تتخذوا الیھود والنصٰرٰی اولیاء بعضھم اولیاء بعض۔ ترجمہ : اے ایمان والو! تم یہود و نصاریٰ کو دوست نہ بنائو یہ تو آپس میں ایک دوسرے کے دوست ہیں۔ تفسیر : قرآن کی بیان کردہ حقیقت کا مشاہدہ ہر شخص کر سکتا ہے کہ یہود ونصارٰی کا اگرچہ آپس میں عقائد کے لحاظ سے شدید اختلاف اور باہمی بغض وعناد ہے لیکن اس کے باوجود یہ اسلام او ر مسلمانوں کے خلاف ایک دوسرے کے معاون ،بازو اور محافظ ہیں ۔(اسرائیل جوایک یہودی مملکت ہے اس کا وجود ہی غیر قانونی او ر عدل و