ماہنامہ انوار مدینہ لاہور مارچ 2003 |
اكستان |
|
جس سے وہ حاملہ ہوگئیں ،حمل اورولادت کے درمیان ٩/مہینے کا وقفہ رہا یا نہیں ؟ اس کی بابت مفسرین میں اختلاف ہے بعض مفسرین فانتبذت میں فاکو ترتیب اور تعقیب کے لیے قرار دے کر کہتے ہیں کہ حمل ٹھہرتے ہی ولادت ہوگئی لیکن امام ابن کثیر فرماتے ہیں کہ یہ ٹھیک ہے کہفا تعقیب کے لیے ہے لیکن ہرچیز کی تعقیب اس کے حساب سے ہوتی ہے اور قرآن سے انہوں نے کئی مثالیں اس کی پیش کی ہیں اس لیے وہ کہتے ہیں کہ وضع حمل کا مرحلہ ٩/مہینے کے بعد آتاہے جس طرح کہ عام عادت ہے )۔مفسر جدید نے دوسرے ایڈیشن سے یہ پوری عبارت نکال دی ہے(دیکھو !پہلا ایڈیشن صفحہ ٤٠١ حاشیہ٥ بمقابلہ دوسرا ایڈیشن صفحہ ٨٣٧) (٩) قادیانیوں پر نظرعنایت : آیت : ومن اظلم ممن افتری علی اللّٰہ کذبا اوکذب باٰیا تہ (الانعام :٢١) ترجمہ : اور اس سے زیادہ بے انصاف کون ہوگا جو اللہ تعالی پر جھوٹا بہتان باندھے یا اللہ کی آیات کوجھوٹا بتلائے۔ تفسیر : یعنی جس طرح اللہ پر جھوٹ گھڑنے والا(یعنی بنوت کا جھوٹا دعوٰی کرنے والا )سب سے بڑا ظالم ہے اسی طرح وہ بھی بڑا ظالم ہے جو اللہ تعالیٰ کی آیات اور اس کے سچے رسول کی تکذیب کرے، جھوٹے دعوٰی نبوت کے متعلق اتنی سخت وعید کے باوجود یہ واقعہ ہے کہ متعدد لوگوں نے ہر دور میںنبوت کے جھوٹے دعوے کئے ہیں اور یوں یقینا نبی ۖ کی یہ پیشن گوئی پوری ہوگئی کہ ٣٠جھوٹے دجال ہوں گے ہر ایک کا دعوٰی ہو گا کہ وہ نبی ہے،گزشتہ صدی میں بھی قادیان کے ایک شخص نے نبوت کا دعوٰ ی کیا اور آج اس کے پیروکار اسے اس لیے سچا نبی مانتے ہیں اور بعض مسیح موعود مانتے ہیں کہ اسے ایک قلیل تعداد نبی مانتی ہے حالانکہ کچھ لوگوں کا کسی جھوٹے کو سچا مان لینا اس کی سچائی کی دلیل نہیںبن سکتا،صداقت کے لیے تو قرآن وحدیث کے واضح دلائل کی ضرورت ہے ۔(اور اس میدان میں یہ ہمیشہ ناکام رہے ہیں حتی کہ قومی اسمبلی میں بھی مرزا ناصراحمد مرزائے قادیان کی صداقت کا اثبات نہ کرسکے جس پر قادیانیوںکو غیر مسلم اقلیت قرار دیدیا گیا ۔ ہداہم اللہ) یہ مکمل حاشیہ ایڈیشن اول صفحہ ١٦٨ حاشیہ ٨ پر ہے اور ایڈیشن دوم میںصفحہ ٣٤٧ حاشیہ ٤سے مابین القوسین عبارت نکال دی ہے ،کیا قومی اسمبلی نے اپنا فیصلہ واپس لے لیا ہے ؟ہرگز نہیں پھر مفسرجدید نے اس کو حذف کیوں کیا؟ کیا پہلے ایڈیشن کے وقت مفسر قادیانیوں کو غیر مسلم اقلیت سمجھتا تھا ؟ اب ان کو مسلم سمجھنے لگ گیا ہے۔ اس فیصلے کو صفحہ نمبر 19 کی عبارت حذف کرکے شرعی حکم کا بھی انکار کیا گیا اور قانونی فیصلے سے بھی سر تابی کی گئی ،آخر کیوں ؟ یہ بات تو یاد نہیں آگئی تھی کہ ہمارے اہلِ حدیث بزرگوں نے تو قادیانیوں کو کافر نہیں کہا توہم کیوں اسمبلی کا فیصلہ مانیں ،چنانچہ مولوی محمد اسماعیل غزنوی نے کہا ''احمدی پکے مسلمان ہیں اور ہمارے بھائی ہیں ''۔(اہلِ حدیث امرتسر ١٠ دسمبر ١٩٢٦ء ) آپ کے شیخ الاسلام مولانا ثناء اللہ امرتسری نے لکھا