تحفہ تراویح |
سم اللہ |
 |
کفار کی طرف ان کو واپس کر دو ۔ اس کے بعد سورۂ صف شروع ہوتی ہے ،ارشاد ہوا کہ اے مؤمنو! تم ایسی باتیں کیوں کہا کرتے ہو جو کیا نہیں کرتے ۔’’ یٰٓااَیُّھَا الَّذِیْنَ آمَنُوْا لِمَ تَقُوْلَوْنَ مَا لَا تَفْعَلُوْنَ ‘‘ خد ااس بات سے سخت بیزار ہے کہ تم ایسی بات کہو جو کرونہیں ۔خدا کے محبوب بندے تو وہ ہیں جو سیسہ پلائی دیوار کی طرح جم کر جہاد میں ثابت قدم رہتے ہیں ، اس بشارت کا ذکرہے جو عیسی ؑ نے حضو ر ﷺ کے ظہور قدسی اور ان کے اسم مبارک احمد کے بارے میں دی تھی ۔اللہ تعالیٰ مؤمنوں کو یقین دلاتا ہے کہ کا فر اللہ کے چراغ کی روشنی کو پھونکیں مار مار کر بجھا نہیں سکتے ، مؤمنو! عنقریب تمہیں فتح نصیب ہوگی ۔ اس کے بعد سورۂ جمعہ شروع ہوتی ہے بڑے اہتمام کے ساتھ ارشاد فرمایا جا رہا ہے کہ اے مؤمنو ! جمعہ کی اذان سننے کے بعد نماز میں شامل ہونے کی جلدی کیا کرو، اور خرید وفروخت کا کام بند کر دیا کرو ، نماز جمعہ سے فارغ ہو کر بے شک اپنی روزی کمانے میں مشغول ہو جاؤ ، اللہ تعالیٰ بہترین رزق دینے والا ہے ۔ اس کے بعد سورۂ منافقون شروع ہوتی ہے ،ارشاد ہوا کہ اللہ ہی نے تم سب کو پیدا فرمایا پھر تم سب میں کوئی کافر ہے کوئی مؤمن اور تمہاری عورتیں اور تمہاری اولاد میں بعض تمہارے دشمن ہیں سو ان سے بچتے رہو ، ہاں اگر وہ راہ ِ راست پرآجائیں تو انہیں معاف کردو ،بے شک تمہارا مال اور تمہاری اولاد آزمائش کی چیز ہے ۔ اس کے بعد سورۂ طلاق کا آغاز ہوتا ہے ، ارشاد ہوا کہ اگر عورتوں کو طلاق دینا ہو تو ان کی پاک حالت میں ان کو طلاق دو اور عدت کی مدت کا حساب رکھو ، دوران عدت ان کا باہر نکلنا بے حیائی ہے ،عدت کی مدت تین مہینہ ہیں اور حاملہ کی مدت وضع حمل ہے ،حاملہ مطلقہ عورت کو وضع حمل تک خرچ دینا شوہر کے ذمہ ہے ،۔ اس کے بعد سورۂ تحریم شروع ہوتی ہے ،ارشاد ہوا کہ اے نبی ! بیویوں کی خاطر سے آپ اللہ کی