تحفہ تراویح |
سم اللہ |
|
ایسے لوگوں کو اللہ نے جہنم کیلئے پیدا کیا ہے کیونکہ ان کے پاس ایسے دل ہیں جن سے سمجھتے نہیں ، اور آنکھیں ہیں مگر وہ حق راہ دیکھتے نہیں ، اور ان کے پاس کان ہیں جن سے سنتے نہیں وہ جانوروں کی طرح ہیں بلکہ ان سے بھی گئے گذرے ہیں ۔ اللہ تعالیٰ حضور ﷺ سے ارشاد فرماتا ہے کہ اگر منکرین آپ کو جادوگر اور مجنون کہے تو آپ اس کی کوئی پرواہ نہ کریں آپ تو یہ فرمادیں کہ میں تو ایک خبردار کرنے والا ہوں ،اور جو میری بات مانے ان کو خوش خبری سنانے والا ہوں ،آخر میں حضور ﷺ کو تبلیغ کی یہ حکمت خصوصیت کے ساتھ بتائی گئی ہیکہ مخالفین کی زیادتیوں کا مقابلہ صبر اور ضبط سے کریں تاکہ اشتعال کی وجہ سے کوئی ایسا واقعہ نہ ہوجائے جس سے تبلیغ کے کام میں رکاوٹ پیدا ہو ۔ اللہ تعالیٰ حضور ﷺ سے ارشاد فرماتے ہیں کہ آپ نرمی اور درگذار کا طریقہ اختیار فرمائیں اور جاہلوں سے نہ الجھیں اے نبی آپ اپنے رب کو صبح وشام یاد کرتے رہیں ،روروکر اور خوف کے ساتھ دل دل میں بھی اور بآواز بلند بھی ۔ اللہ تعالیٰ سے دعا کریں کہ اللہ تعالیٰ حضور ﷺ کی رسالت کو مکمل طور پر قولا وعملا تسلیم کرنے کی توفیق نصیب فرمائیں ،آخرت کا یقین عطا فرمائے اور اپنے سے گڑگڑاکر مانگنے والا بنائے ۔آمین