تحفہ تراویح |
سم اللہ |
|
یہ ناممکن نہیں ہے ،مساجد میںعموما فضائل وغیرہ سے متعلق کسی نہ کسی نماز کے بعد پورے سال کسی نہ کسی کتاب کے سنانے کا نظام قائم ہے ۔ اس طرح کی کوئی مختصر کتاب راقم الحروف کے محدود مطالعہ سے نہیں گذری ہے ،مگر اس کی اہمیت اور ضرورت بہر حال مسلم ہے ۔ جامعہ اشاعت العلوم اکل کوا کے بیدار مغز ،فعال اور متحرک بانی ومہتمم کو راقم آیۃ من آیات اللہ سمجھتا ہے ،جامعہ کا قیام صحیح اور کما حقہ تلاوت قرآنی کی ایک تحریک ہے ، اس سلسلے میں بانی کے عزیز قریب محترم جناب مولانا عبد الرحیم صاحب زید مجدہ جیسی انتھک شخصیت کی دریافت جامعہ کیلئے بجائے خود ایک اہم چیز ہے ،جناب مہتمم صاحب کو راقم اس در نایا ب کے ہاتھ لگ جانے پر مبارکباد پیش کرتا ہے ۔ جناب مولانا عبد الرحیم صاحب نے اپنی بے انتہاء مصروفیات میں سے بیش قیمت وقت نکال کر اس نہایت اہم اور مفید ترین موضوع پر یہ گرانقدر کام کر ڈالا ۔ بڑے ہی مختصر اور جامع انداز پر ساری متعلق باتیں سمیٹ لیں ہر سور ت میں بیان کردہ مضامین اور مسائل کا ایسا عطر اور خلاصہ نکال کر رکھدیا کہ بہت تھوڑے وقت میں سامع کے سامنے تراویح میں سنی گئی تلاوت کا مفہوم اور مطلب واضح ہو کر آجائے ۔ ایسی گراں بہا کتاب کی اہمیت اور افادیت سے کسے انکار ہو سکتا ہے ،ضرورت ہے کہ جلد از جلد یہ کتا ب اپنے طباعتی مراحل سے گذر کر تمام مساجد کے ائمہ عالم غیر عالم بغیر کسی تخصیص کے ہر مسلمان کے ہاتھوں میں پہونچے ،اور اس سے خوب خوب استفادہ کیا جائے م راقم الحروف مصنف موصوف سے ابتدا ء ہی سے بے حد متاثر رہا ہے اس کتاب کی تیاری پر دل کی گہرائیوں سے دعا گو ہے ، اللہ تعالیٰ اس کتاب کے نفع کو عام اور تام فرمائے ،مصنف کی حیات میں ہمت وعافیت کے ساتھ برکت عطا فرمائے ۔آمین ! (قاری)ابو الحسن اعظمی خادم القرأۃ-دارالعلوم دیوبند