ماہنامہ انوار مدینہ لاہور مئی 2012 |
اكستان |
حضرات اِس مبارک تقریب میں شریک رہے۔ رات کاکھانا حضرت قاری سعید اَحمدصاحب مدظلہم کے یہاں تناول فرمایااَور کھانے کے بعد طلباء اَورمقامی حضرات حضرت صاحب سے بیعت ہوئے۔ کچھ دیر قیام کے بعد حضرت صاحب نے حضرت قاری صاحب سے اِجازت چاہی اَور لاہور کے لیے روانہ ہوئے ،رات دو بجے بخیریت گھر پہنچ گئے۔ والحمد للہ ۔ ٥اپریل کو''آس اکیڈمی'' کے پرنسپل اَور مہتمم محترم اَلحاج ڈاکٹر اُویس صاحب مدظلہم جامعہ مدنیہ جدید تشریف لائے اَور شیخ الحدیث حضرت مولانا سیّد محمود میاں صاحب سے اُن کی رہائشگاہ پر ملاقات کی۔اِن کی خواہش اَور دعوت پر حضرت صاحب ڈاکٹر صاحب کے ہمراہ آس اکیڈمی تشریف لے گئے جہاں پر حضرت صاحب نے ششماہی اِمتحانات میں کامیاب ہونے والے طلباء کے تقسیم ِاِنعامات کے پروگرام میں شرکت فرمائی۔آپ نے وہاں پر موجود اَساتذہ ٔکرام اَور طلباء میں غلبہ دین کے موضوع پر نہایت مؤثر اَور تفصیلی بیان فرمایا،بیان کے بعد حضرت صاحب نے طلباء میں اِنعامات بھی تقسیم کیے۔ ٧اپریل بروز ہفتہ بعد نماز مغرب شیخ الحدیث حضرت مولانا سیّد محمود میاں صاحب جامعہ کے فاضل مولانا سیّد اَنیس اَحمد شاہ صاحب کی دعوت پر سہ روزہ ختم بنوت کورس میں شرکت کے لیے مرغزار کالونی کی جامع مسجد تشریف لے گئے،بعد نماز ِعشاء حضرت صاحب نے ختم ِنبوت کے موضوع پر بیان فرمایا۔ ٩ اپریل بعد مغرب حضرت اَلحاج صغیر اَحمد صاحب مدظلہم کی دعوت پر مدرسہ اَحسان میں برکة العصر شیخ الحدیث حضرت اَقدس مولانا محمد زکریا صاحب نور اللہ مرقدہ کی کتاب التقریر الرفیع لمشکوة المصابیح کی رُونمائی کی تقریب میں شرکت کی۔ ١٥اپریل بروز ہفتہ شیخ الحدیث حضرت مولانا سیّد محمود میاں صاحب جامعہ مدنیہ جدید کے فاضل اَور خادم مولانا شعبان علی صاحب کا نکاح پڑھانے کے لیے گوجرانوالہ تشریف لے گئے۔ راستہ میں جامعہ مدنیہ جدید کے سابق طالب علم مولانا محمد مدنی صاحب کے اِصرار پر چند منٹ کے لیے