ماہنامہ انوار مدینہ لاہور مئی 2012 |
اكستان |
اَخبار الجامعہ ( جامعہ مدنیہ جدید محمد آباد رائیونڈ روڈ لاہور ) ٢٩ مارچ کو شیخ الحدیث حضرت مولانا سیّد محمود میاں صاحب متعلم جامعہ مدنیہ جدید بھائی محمدطاہر کی خواہش پر بورے والا براستہ پاکپتن تشریف لے گئے، راستہ میں حضرت صاحب نے بابا فرید گنجِ شکررحمة اللہ علیہ کے مزار پر حاضری دی بعد اَزاں بورے والا کے لیے روانہ ہوئے تقریبًا ڈیڑھ گھنٹے کے بعد بھائی محمد طاہر کے گاؤں طفیل آباد پہنچے وہاں حضرت نے دُعاء فرمائی، بعد اَزاںگگو منڈی میں بعد نمازِ مغرب قاری جان محمد صاحب کی مسجد میں بیان فرمایا بیان کے بعد مدرسہ اَشرف العلوم میں دُعاء کے لیے تشریف لے گئے۔ وہاں سے فاضل ِ جامعہ جدید مولانا ثناء اللہ صاحب کے گھر تشریف لے گئے۔ یہاں پررات کے کھانے کے بعد براستہ چیچہ وطنی لاہور کے لیے روانہ ہوئے چیچہ وطنی میں جامعہ جدید کے فاضل مولانا بلال صاحب سرِ راہ حضرت صاحب سے ملاقات کے لیے منتظر تھے۔ تقریبًا ڈیڑھ بجے رات بخیریت گھر پہنچ گئے۔ جامعہ کے متعلم بھائی سعد کلیم اَور بھائی رضوان مبارک بھی شریک ِ سفر تھے۔ ٣١ مارچ بروزہفتہ دوپہر شیخ الحدیث حضرت مولانا سیّد محمود میاں صاحب حضرت قاری سعید اَحمد صاحب مدظلہم کی دعوت پر خوشاب میں مسجد عمر کا سنگِ بنیاد رکھنے کے لیے روانہ ہوئے۔ عصر کے قریب جامعہ تعلیم الاسلام خوشاب پہنچ گئے عصر کی نماز وہیں پڑھی۔بعدعصر حضرت قاری صاحب اَور اُن کے صاحبزادے مولانا عبداللہ صاحب حضرت صاحب کو محلہ ہانڈایا والا کی طرف لے گئے۔ حضرت صاحب کے پہنچنے پر اہل ِ محلہ نے حضرت صاحب کا شاندار اِستقبال کیا اَور اِنتہائی محبت اَور عقیدت کا اِظہار فرمایا۔حضرت صاحب نے مسجد ِ عمر کا سنگِ بنیاد رکھا اَور دُعاء کرائی۔بعد نمازِ مغرب حضرت صاحب نے مسجد کے بنیادی مقصد اَور اِسلام میں مسجد کی اہمیت پر تفصیلی بیان فرمایا۔ سارے مقامی