ماہنامہ انوار مدینہ لاہور مئی 2012 |
اكستان |
|
علمی مضامین سلسلہ نمبر ٥٢ ''اَلحامد ٹرسٹ''نزد جامعہ مدنیہ جدید رائیونڈ روڈ لاہورکی جانب سے شیخ المشائخ محدثِ کبیر حضرت اَقدس مولانا سیّد حامد میاں صاحب رحمة اللہ علیہ کے بعض اہم خطوط اور مضامین کو سلسلہ وار شائع کرنے کا اہتمام کیا گیا ہے جو تاحال طبع نہیں ہوسکے جبکہ ان کی نوع بنوع خصوصیات اس بات کی متقاضی ہیں کہ افادۂ عام کی خاطر اِن کو شائع کردیا جائے۔ اسی سلسلہ میں بعض وہ مضامین بھی شائع کیے جائیں گے جو بعض جرا ئد و اخبارات میں مختلف مواقع پر شائع ہو چکے ہیں تاکہ ایک ہی لڑی میں تمام مضامین مرتب و یکجا محفوظ ہو جائیں۔ (اِدارہ) بِسْمِ اللّٰہِ الرَّحْمٰنِ الرَّحِیْم خارجہ پالیسی اَور مستقبل اِس نشست کا موضوع ''پاکستان کی خارجہ پالیسی '' اَور ''پاکستان کا مستقبل'' ہے۔ ہر دو عنوان کٹھن ہیں اَور ناگفتنی لہٰذا اِسی طرح اَلگ اَلگ پیروں میں کچھ اِشارةً عرض ہے۔ ٭ سب سے پہلے تو ہم اپنے دائیں بائیں نظر ڈالیں تو پڑوسیوں کے ساتھ یا تو جنگی حالات ہیں جیسے'' اَفغانستان اَور ہندوستان'' اَور یا ایسے تعلقات ہیں کہ اُنہیں ہم پر مکمل اِعتبار نہیں جیسے ''اِیران'' کہ وہ اپنے عراق سے تنازعہ کے تصفیہ کے لیے کسی طرح بھی پاکستان پر اِعتماد کے لیے تیار نہیں ہوا یا اِعتماد ہے مگر اِتنا نہیں کہ کوئی معاہدہ ہوسکے جیسے ''چین'' یا بہت بُعد اَور دُشمنی ہے جیسے ''رُوس'' سے۔ ٭ اَفغانستان بشمول رُوس گوریلا جنگ کے مقابلہ میں مصروف ہیں لیکن پاکستان جو ایسی پوزیشن میں آسکتا ہے کہ تصفیہ کرادے، نہیں آرہا، کیوں ؟ اِس لیے کہ ذاتی مفادات اَور اَمریکی مفادات کا تحفظ اِس مرحلہ پر آڑے آجاتا ہے۔ ٭ ہندوستان کی آبادی زیادہ ہے اُس کی فوج بھی زیادہ ہے اَور پاکستان کے ذمہ دار حضرات اُس کی طاقت کی برتری کا عرصہ سے ذکر کرتے آرہے ہیں گویا اَندر خوف اِتنا ہے کہ ناطاقتی کا