ماہنامہ انوار مدینہ لاہور مئی 2012 |
اكستان |
|
قسط : ٢٣ اَنفَاسِ قدسیہ قطب ِ عالم شیخ الاسلام حضرت مولانا سیّد حسین اَحمدصاحب مدنی کی خصوصیات ( حضرت مولانا مفتی عزیز الرحمن صاحب بجنور ی ) فاضل دارُالعلوم دیوبند و خلیفہ مجاز حضرت مدنی سلسلہ ٔبیعت : ''بیعت'' کیا چیز ہے ؟ اِس کے متعلق حضرت شیخ الاسلام رحمة اللہ علیہ کے اِرشاد ِ گرامی تبرکًا پیش کرتا ہوں : حضرت رحمة اللہ علیہ نے مدراس کی تقریر میں اِرشاد فرمایا ہے : ''بیعت نام ہے اِس کا کہ شریعت کی کسی بات کے لیے عہد لیا جائے کہ وہ اِس اَمر کو اللہ کے حکم سے اَنجام دیں گے یا کسی خاص دینی مسئلے کا کہ وہ اُس پر عمل کریں گے۔'' جناب ِ رسول اللہ ۖ نے بہت سے مواقع میں ایسا کیا ہے چنانچہ حدیبیہ کی لڑائی کے وقت جناب ِ رسول اللہ ۖ نے عہد لیا تھا کہ اگر دُشمنوں سے مقابلہ کی نوبت آئی تو وہ بھاگیں گے نہیں بلکہ جب تک زندہ رہیں گے وہ دُشمنوں کا مقابلہ کریں گے اَور موت آجائے تو اُس کو اِختیار کریں گے اَور اِسلام کی بلندی کے لیے سر دَھڑ کی بازی لگادیں گے۔ اللہ تعالیٰ سورہ فتح میں فرماتے ہیں : لَقَدْ رَضِیَ اللّٰہُ عَنِ الْمُؤْٔمِنِیْنَ اِذْ یُبَایِعُوْنَکَ تَحْتَ الشَّجَرَةِ فَعَلِمَ مَافِیْ قُلُوْبِھِمْ فَاَنْزَلَ السَّکِیْنَةَ عَلَیْھِمْ وَاَثَابَھُمْ فَتْحًا قَرِیْبًا۔ (الآیة) ''اللہ تعالیٰ مسلمانوں سے راضی ہو گیا جب آپ سے درخت کے نیچے بیعت کر