ماہنامہ انوار مدینہ لاہور مئی 2012 |
اكستان |
|
رشید اَحمد گنگوہی کی توجہات نے آپ کو فرش سے اُٹھا کر عرش پر پہنچا دیا تھا، شیخ العرب والعجم حضرت حاجی اِمداداللہ مہاجر مکی قدس سرہ نے آپ کے کمالات ِعلمیہ و رُوحانیہ سے خوش ہو کر آپ کو دَستار ِ خلافت اَور اِجازت نامہ بیعت عنایت فرمایا تھا اَور پھر دَربارِ رشیدی سے بھی آپ کو یہ نعمت ِعظمیٰ حاصل ہوئی اَور حاصل یہ کہ آپ شریعت، طریقت اَور رُوحانیت کے مجمع البحرین ہی نہیں بلکہ مجمع البحار تھے، آپ اگرچہ اَکثر اَوقات تعلیم و تعلم اَور تصنیف وتالیف اَور مطالعہ کتب میں مصروف رہتے تھے لیکن اِس کے باوجود اُن کے اَور اد و وظائف، ذکر و مراقبہ اَور صلوة الیل قضا ء نہیں ہوتے تھے، ہر حال میں، سفرو حضر میں حتی کہ مالٹا کی طوفانی برفباری میں بھی آپ کے معمولات میں فرق نہیں آتا تھا۔ آپ ہر جمعرات کو سبق پڑھا کر گنگوہ تشریف لے جاتے تھے اَور جمعہ کی نماز پڑھ کر اپنے پیرو مرشد کی صحبت سے فیضاب ہو کر دیوبند تشریف لاتے تھے۔ نہ کتابوں سے نہ مکتب سے نہ زَر سے پیدا دین ہوتا ہے بزرگوں کی نظر سے پیدا (جاری ہے) قارئین انوارِمدینہ کی خدمت میں اپیل ماہنامہ اَنوارِ مدینہ کے ممبر حضرات جن کو مستقل طورپر رسالہ اِرسال کیا جارہا ہے لیکن عرصہ سے اُن کے واجبات موصول نہیں ہوئے اُن کی خدمت میں گزارش ہے کہ اَنوارِ مدینہ ایک دینی رسالہ ہے جو ایک دینی اِدارہ سے وابستہ ہے اِس کا فائدہ طرفین کا فائدہ ہے اَور اِس کا نقصان طرفین کا نقصان ہے اِس لیے آپ سے گزارش ہے کہ اِس رسالہ کی سرپرستی فرماتے ہوئے اَپنا چندہ بھی اِرسال فرمادیں اَوردیگر اَحباب کو بھی اِس کی خریداری کی طرف متوجہ فرمائیں تاکہ جہاں اِس سے اِدارہ کو فائدہ ہو وہاں آپ کے لیے بھی صدقہ جاریہ بن سکے۔(ادارہ)