ماہنامہ انوار مدینہ لاہور مئی 2012 |
اكستان |
 |
''وہ محفل ِمیلاد جس میں قیود ِمروجہ متعارفہ میں سے کوئی قید نہ ہو، نہ قید مباح نہ قید مکروہ، سب قیود سے مطلق ہو مثلاً کچھ لوگ اِتفاقًا جمع ہوگئے کسی نے اِن کو اہتمام کرکے نہیں بُلایا کسی اَور (دُوسری) مباح (جائز) ضرورت سے بُلائے گئے تھے۔ اِس مجمع میں خواہ کتاب سے یازبانی حضور پرنور سرور ِعالم فخر آدم ۖ کے حالاتِ شریفہ (وِلادت کے وقت ظاہر ہونے والے معجزات وغیرہ) اَور دیگر اَخلاق و شمائل و معجزات و فضائلِ مبارکہ صحیح صحیح روایات سے بیان کیے گئے اَور اَثنائِ بیان میں اگر ضرورت اَمر بالمعروف و بیانِ اَحکام کی دیکھی جاوے تو اِس میں بھی دریغ نہیں کیا گیا۔ یا اَصل اِجتماع اِستماعِ وعظ و اَحکام (وعظ سننے کے لیے) اَور اِس کے ضمن میں اِن وقائع شریفہ (وِلادت باسعادت کے واقعات) و فضائل کا بیان بھی آگیا،یہ وہ صورت ہے کہ بِلانکیر (بِلا اِنکار) جائز بلکہ مستحب و سنت ہے۔'' ١ یہ اِجتماع جس میں حضرت شاہ ولی اللہ صاحب نے شرکت فرمائی تھی، مروجہ محفلِ میلاد سے کوئی تعلق نہیں رکھتا کیونکہ : (١) دعوت دے کر اَور بُلا کر لوگوں کو جمع نہیں کیا گیا تھا (٢) اِس میں بصورتِ اَشعار کچھ نہیں پڑھا گیا(٣) اِس میں کسی قسم کی اِسراف و فضول خرچی کا اِرتکاب نہیں کیا گیا تھا (٤) اِس میں قیام بھی نہ تھا کہ سب لوگ کچھ دیر بعد یہ سمجھتے ہوئے کھڑے ہوگئے ہوں کہ اَب حضور ۖ تشریف لے آئے ہیں(٥) اِس میں کھانے، پینے، شیرینی وغیرہ کا اہتمام بھی نہیں کیا گیا تھا (٦) محفل ِمیلاد منعقد کرنے کے لیے لوگوں کا اِجتماع نہیں ہوا تھا بلکہ آپ کی پیدائش کی متبرک و مقدس جگہ کی زیارت کے لیے بغیر بُلائے ہوئے اَز خود لوگ جمع ہوگئے تھے۔ گویا مروجہ محفل ِمیلاد کی کوئی بات بھی اِس میں نہیں پائی جاتی ہے، صرف دھوکہ دینے اَور مغالطہ میں مبتلا کرنے کے لیے ایسے حوالجات پیش کیے جاتے ہیں۔(جاری ہے) ١ اِصلاح الرسوم ص ١٢١