ماہنامہ انوار مدینہ لاہور جنوری 2012 |
اكستان |
 |
قسط : ١ مروجہ محفل ِمیلاد ( حضرت مولانا مفتی قاری عبدالرشید صاحب رحمة اللہ علیہ ) اللہ تعالیٰ نے جامعہ مدنیہ لاہور کے سابق مدرس فی علوم الحدیث حضرت مولانا مفتی قاری عبدالرشید صاحب رحمة اللہ علیہ(م: ١٤١٢ھ / ١٩٩٢ئ) کو اِحقاقِ حق اَور اِبطالِ باطل کا خاص ملکہ عطا ء فر یا یا تھا۔ آپ نے و عظ و تلقین اَور اِرشاد و نصیحت کے ساتھ ساتھ تصنیف و تالیف سے بھی دین کی خدمت و حفاظت کا فریضہ سر اَنجام دیا اِس سلسلہ میں مشقتیں اَور صعوبتیں بھی برداشت کیں۔ آپ کے تصنیفی مواد میں سے ''مروجہ محفلِ میلاد'' اپنے موضوع پر منفرد اَور تحقیقی کتاب ہے اِس کتاب کی اِفادیت کے پیش نظر اِسے نذرِ قارئین کیا جا رہا ہے۔ (اِدارہ) بِسْمِ اللّٰہِ الرَّحْمٰنِ الرَّحِیْم اَلْحَمْدُ لِلّٰہِ وَحْدَہ وَالصَّلٰوةُ وَالسَّلَامُ عَلٰی مَنْ لَّا نَبِیَّ بَعْدَہ ! تمام تعریفوں کے لا ئق وہ ذاتِ واحد قدوس ہے جس نے اِنسان کو پیدا کیا اَور صحیح و غلط، حق و باطل اَور کھرے کھوٹے کی تمیز سکھائی۔ حق و باطل کے جانچنے کے لیے اپنی آخری کتاب اپنے آخری رسول ۖ پر نازل فرمائی اَور تمام اِنسانوں کو مژدہ سنا دیا کہ : اَلْیَوْمَ اَکْمَلْتُ لَکُمْ دِیْنَکُمْ وَ اَتْمَمْتُ عَلَیْکُمْ نِعْمَتِیْ وَ رَضِیْتُ لَکُمُ الْاِسْلَامَ دِیْنًا ۔ (سُورة المائدہ : ٣) ''آج میں نے تمہارے لیے تمہارا دین مکمل کر دیا تم پر اپنی نعمت پوری کردی اَور دینِ اِسلام کو آخری دین کی حیثیت سے تمہارے لیے پسند کرلیا۔'' لاکھوں درُود و سلام اُس ہستی پر جس نے آخری دین پوری وضاحت و تشریح کے ساتھ بنی نوع اِنسانی