ماہنامہ انوار مدینہ لاہور جنوری 2012 |
اكستان |
|
علمی مضامین سلسلہ نمبر٤٨ ''اَلحامد ٹرسٹ''نزد جامعہ مدنیہ جدید رائیونڈ روڈ لاہورکی جانب سے شیخ المشائخ محدثِ کبیر حضرت اَقدس مولانا سیّد حامد میاں صاحب رحمة اللہ علیہ کے بعض اہم خطوط اور مضامین کو سلسلہ وار شائع کرنے کا اہتمام کیا گیا ہے جو تاحال طبع نہیں ہوسکے جبکہ ان کی نوع بنوع خصوصیات اس بات کی متقاضی ہیں کہ افادۂ عام کی خاطر اِن کو شائع کردیا جائے۔ اسی سلسلہ میں بعض وہ مضامین بھی شائع کیے جائیں گے جو بعض جرا ئد و اخبارات میں مختلف مواقع پر شائع ہو چکے ہیں تاکہ ایک ہی لڑی میں تمام مضامین مرتب و یکجا محفوظ ہو جائیں۔ (اِدارہ) پاکستان میں نفاذِ شریعت کے لیے اِقدامات مکتوب ِگرامی بنام حضرت اَقدس بِسْمِ اللّٰہِ الرَّحْمٰنِ الرَّحِیْمِ اِدارہ تحقیقات ِاِسلامی اِسلام آباد (پاکستان) گرامی قدر مکرم و محترم زید مجدکم السلام علیکم ورحمة اللہ و برکاتہ اُمید کہ مزاجِ گرامی بعافیت ہوں گے،اِدارہ تحقیقات ِاِسلامی اپنے ماہانہ مجلہ ''فکرو نظر'' کا نفاذِ شریعت نمبرشائع کر رہا ہے۔ یہ خصوصی شمارہ اِنشاء اللہ ربیع الثانی ١٤٠٢ھ کا شمارہ ہوگا۔ پاکستان میں نفاذِ شریعت کے سلسلہ میں جو کچھ علمی و فکری اَور عملی کام ہوا ہے اِس میں اُس کا مکمل تعارف ہوگا۔ ہماری کوشش یہ ہے کہ اِس میں زیادہ سے زیادہ علماء کے علمی نگارشات شامل ہوں۔ ہم نے اپنے طور پر بھی ایک مختصر فہرست ِعنوانات بنائی ہے، وہ بھی ہمراہ منسلک ہے لیکن یہ