ماہنامہ انوار مدینہ لاہور جنوری 2012 |
اكستان |
 |
اُن کوکافر کہنا خلافِ اِحتیاط ہے۔ اہلِ سنت والجماعت کا مسلک یہ ہے کہ جب تک صریح اِنکار ضروریا ت ِدین کا نہ ہو اُس وقت تک کسی کلمہ گو کو کافر نہ کہنا چاہیے۔ اِمامِ اَعظم اَبو حنیفہ رحمة اللہ علیہ فرماتے ہیں لَانُکَفِّرُ اَحَدًا مِّنْ اَھْلِ الْقِبْلَہِ یعنی ہم اہلِ قبلہ ١ میں سے کسی کو کافر نہیں کہتے۔ روافض کا کفر اِ س بنیاد پر قطعی ہے کہ وہ قرآنِ مجید کی تحریف ٢ کے قائل ہیں اَور معاذاللہ اِس کو اَصلی قرآن نہیں مانتے۔ یہ بارہ عقیدے جو بیان کیے گئے اہلِ سنت و جماعت کے لیے نہایت ضروری ہیں۔ اِن میں سے اَکثر و بیشتر عقیدے وہ ہیں جن کا مأخذ قرآنِ مجید ہے حق تعالیٰ ہم سب کو اِن پاک عقائد پر اِستقامت عطاء فرمائے، آمین۔(جاری ہے) ١ اہلِ قبلہ کا یہ مطلب نہیں ہے کہ قبلہ یعنی کعبہ کی طرف منہ کرکے نماز پڑھ لے یا کعبہ کا قبلہ ہونا مان لے۔ یہ بات تو کفار ِمکہ میں بھی موجود تھی بلکہ اہلِ قبلہ کا مطلب یہ ہے کہ اِس قبلہ کی جو ملّت ہے اُس ملّت کی تمام ضروریات کو مانتا ہو جیسا کہ علامہ علی قاری مکی نے شرح فقہ اَکبر میں تصریح فرمائی ہے۔ ٢ ہماری کتاب تَنْبِیْہُ الْحَائِرِیْنَ اَور اَوَّلُ مِنَ الْمِائَتَیْنِ دیکھو۔ اِس میں یہ مسئلہ مفصل ملے گا کہ کتب شیعہ میں زائد اَز دو ہزار رِوایات تحریف ِقرآن کی ہیں اَور کوئی شیعہ آج تک منکر تحریف نہیں ہوا اَور نہ ہو سکتا ہے ،گنتی کے چار شخص اِن میں منکر تحریف کہے جاتے ہیں مگر اُن کا اِنکار اَزراہِ تقیہ ہے۔