ماہنامہ انوار مدینہ لاہور جولائی 2003 |
اكستان |
 |
آپ کے دینی مسائل ٭( نماز پڑھنے کا طریقہ ) نماز کی نیت کرکے اللہ اکبر کہے اور اللہ اکبر کہتے وقت مرداپنے دونوں ہاتھ کانوں کی لو تک اُٹھائے جبکہ عورت اپنے دونوں ہاتھ کندھے تک اُٹھائے لیکن ہاتھوں کو دوپٹہ سے باہر نہ نکالے ۔اگرہاتھوں کو مذکورہ حد تک ا ُٹھانے کے بعد اللہ اکبر کہے تویہ زیادہ بہتر ہے ۔پھر مرد تو اپنے ہاتھ ناف کے نیچے اس طرح باندھے کہ وہ اپنے داہنے ہاتھ سے بایاں پہنچا پکڑے جبکہ عورت اپنے ہاتھ سینے پر باندھ لے اور دائیں ہاتھ کی ہتھیلی کوبائیں کی ہتھیلی کی پشت پر رکھ دے اور یہ دُعا پڑھے۔سبحانک اللّٰھم وبحمدک وتبارک اسمک وتعالٰی جدک ولا الہ غیرک۔ پھر اعوذ باللّٰہ اور بسم اللّٰہ پڑھ کر الحمد کے بعد آمین کہے پھر بسم اللہ پڑھ کر کوئی سور ت پڑھے ۔ پھر اللہ اکبر کہتے ہوئے رکوع میں جائے اور سبحان ربی العظیم تین مرتبہ یا پانچ مرتبہ یا سات مرتبہ کہے اور رکوع میں مرد ہاتھوں سے اپنے گھٹنے پکڑے او ر انگلیاں کھلی رکھے ۔بازوپہلو سے الگ رکھے اور پیروں میںتھوڑاسا فاصلہ رکھے جبکہ عورت رکوع میں دونوں ہاتھ کی انگلیاں ملا کر گھٹنوں پر رکھ دے اور دونوں بازوپہلو سے خوب ملا کے رکھے او ر دونوں پیر کے ٹخنے بھی بالکل ملا دے پھر سمع اللّٰہ لمن حمدہ کہتا ہوا سر کو اُٹھائے جب سیدھا کھڑا ہو جائے تو ربنا لک الحمدکہے ۔اس کے بعد اللہ اکبر کہتا ہوا سجدے میں جائے۔ زمین پر پہلے گھٹنے رکھے پھر کانو ں کے برابر ہاتھ رکھے پھر دونوں ہاتھوں کے بیچ میں پیشانی رکھے پھر ناک لگائے ۔بعض کے نزدیک پہلے ناک لگا ئے پھر پیشانی رکھے۔ اور مرد سجدہ میں پیٹ کو رانوں سے علیحدہ رکھے ،کہنیوں کو زمین سے اُٹھا کر رکھے اور پیر کھڑے رکھے اور ہاتھ پائوں کی انگلیاں قبلہ کی طرف رکھے جبکہ عورت پائوں کھڑے نہ کرے بلکہ د ا ہنی طرف کو نکال دے اور خوب سمٹ کر اور دب کرسجدہ کرے کہ پیٹ دونوں رانوں سے اور بانہیں دونوں پہلو سے ملا دے اور دونوں بانہیں زمین پر رکھ دے او ر سجدے میں کم سے کم تین دفعہ سبحان ربی الاعلٰی کہے۔پھر اللہ اکبر کہتا ہوا اُٹھے اور خوب اچھی طرح بیٹھ جائے۔ تب دوسرا سجدہ اللہ اکبر کہہ کر کرے او ر کم سے کم تین مرتبہ سبحان ربی الاعلٰی کہہ کے اللہ اکبر کہتا ہوا کھڑا ہوجائے اور زمین پر ہاتھ ٹیک کر نہ اُٹھے ۔ پھر بسم اللہ کہہ کر الحمد او ر سورت پڑھ کے اسی طرح دوسری رکعت پوری کرے اور جب دوسرا سجدہ کر چکے تو بائیں پیر کو بچھا کر اس پر بیٹھے اور داہنا پائوںکھڑا رکھے ،انگلیاں قبلہ کی طرف عام حالت کی طرح رکھے اور انگلیوں کے