ماہنامہ انوار مدینہ لاہور جولائی 2003 |
اكستان |
|
درس حدیث حضرت اقدس پیر و مرشدمولانا سید حامد میاںصاحب رحمہ اللہ کے مجلسِ ذکر کے بعد درسِ حدیث کا سلسلہ وار بیان ''خانقائہ حامدیہ چشتیہ'' رائیونڈروڈ کے زیرِانتظام ماہ نامہ'' انوارِ مدینہ'' کے ذریعہ ہر ماہ حضرت اقدس کے مریدین اور عام مسلمانوں تک با قاعدہ پہنچا یا جاتا ہے اللہ تعالی حضرت اقدس کے اس فیض کو تا قیا مت جاری و مقبول فرمائے ۔(آمین ) اللہ تعالیٰ سے محبت ،اس کے رسول ۖ سے محبت، اہلِ بیت سے محبت اہلِ بیت کون کون ہیں،تصوف میں حضرت علی کا مقام سب سے ممتاز ہے تخریج و تزئین : مولانا سےّد محمود میاں صاحب کیسٹ نمبر٤٠ سائیڈ بی /٨٤۔١٠۔٥ الحمد للہ رب العالمین والصلٰوة والسلام علی خیر خلقہ سیدنا ومولانا محمد وآلہ واصحابہ اجمعین امابعد! عن ابن عباس رضی اللّٰہ عنہما قال قال رسول اللّٰہ ۖ اَحِبّواللّٰہ لما یغذوکم من نعمةٍ واَحِبّونی لحب اللّٰہ واحبوا اہلَ بیتی لحبی۔ رواہ الترمذی بحوالہ مشکٰوة شریف ص٥٧٣ حضرت آقائے نامدار ۖ نے اپنے اہلِ بیت کی محبت بھی بتلائی ہے اور فرمایا مثلاً اَحِبّواللّٰہ لما یغذوکم من نعمة اللہ سے محبت کرو کیونکہ وہ تمہیں نعمتیں دیتا ہے طرح طرح کی نعمتیںروزانہ مسلسل مدتوں ساری عمر اور اس کی نعمتیں اتنی کثیر ہیں کہ نظر نہیں آتیں اور پھر ذہن ہی نہیں جاتا اُدھر کہ یہ بھی نعمتیں ہیں ۔ہوا نعمت ہے پانی نعمت ہے ان دو میں سے کوئی چیز اگر نہ ملے توانسان زندہ نہیں رہ سکتا تو اس طرح سے اگر اُس کی نعمتیں شمار کی جائیں تو بے شمار ہیں۔آقائے نامدار ۖ نے فرمایا اللہ سے محبت رکھو اور وجہ عقلی بتلائی کہ خدا وند کریم نے تمھیں پیدا کیا ہے ،عدم سے وجود میں وہ لایا ہے اور پھر تمہارے لیے وجود کی بقاء کا انتظام کیا ہے اور اس کو وہ قائم رکھے ہوئے ہے تو وہ قابلِ محبت ہے سب سے زیادہ، لما یغذوکم من نعمة وہ تمہیں نعمتیں عنایت فرماتا ہے غذا کے طورپر دیتا ہے واحبونی لحب اللّٰہ اور مجھ سے اس لیے محبت رکھو کہ خدا کا حکم ہے اور میں خدا کا پیغمبر ہوں ، خدا نے گویا مجھے تمہارے لیے چُنا ہے واحبوا اہل بیتی لحبی او رمیرے اہلِ بیت سے تعلق رکھو محبت رکھو میری وجہ سے کیونکہ تمہیں مجھ سے محبت ہے لہٰذا میرے اہلِ خانہ