ماہنامہ انوار مدینہ لاہور جولائی 2003 |
اكستان |
 |
رسالتمآب ۖ دریا فت فرماتے ہیں مایبکیک؟ آپ کیوں رو رہے ہیں ؟ حضرت عمر فاروق غمناک آنکھوں کے ساتھ لرزاں وترساں حالت میں گویا ہوتے ہیں ابکانی انا کنا فی زیادة من دیننا فاما اذ اکمل فانہ لم یکمل شیٔ الا نقص۔ میں اس لیے رورہا ہوں کہ اب تک ہمارے دین میںاضافے اور زیادتی کا سلسلہ جاری تھا لیکن جب دین مکمل ہو گیا تو قانون یہ ہے کہ جب کوئی چیز کمال کے انتہا کو پہنچ جاتی ہے تو پھروہ کم ہونا شروع ہو جا تی ہے لہذا اس کمال والی خوشخبری کی تہہ میں نقصان اور زوال والا خطرہ بھی پنہاں ہے۔( تفسیر قرطبی ص٦١ج٣ و تفسیر کبیر ص١٣٩ج١١) ایک اشکال : پہلے دین کا سلسلہ یوں چل رہا تھا کہ اللہ تعالیٰ ایک نبی کے ذریعہ کچھ احکام نازل فرماتے وہی ان کا دین ہوتا مگر حالات کے بدل جانے کی وجہ سے جب وہ دین اَن فِٹ ہو جاتا تو اللہ تعالیٰ نئے نبی کے ذریعے ان جدید حالات کے مطابق نئے احکام عطا فرما دیتے ۔پھر کچھ عرصہ کے بعد وہ بھی ناکافی ہوجا تے تو اللہ تعالیٰ ان کی جگہ اور احکام بھیج دیتے جو اُن حالات کے مطابق ہوتے او راُن کے تقاضوں کو پورا کرتے ۔ یوں حالات کے تبدیلی کے ساتھ ساتھ احکام الہیہ بھی تبدیل ہوتے رہتے تاآنکہ امام الانبیاء سرورِ کائنات ۖ مبعوث ہوئے آپ آخری نبی ہیں ۔ دین اسلام آخری دین ہے قرآن آخری کتاب ہے او ر اُمّت محمدیہ آخری اُمّت ہے ۔آ پ کی تشریف آوری کے بعد اب نہ کوئی نیا نبی آئے گا نہ نیا دین نہ نئی کتاب نہ نئی اُمّت ۔خصوصاً جب حجة الوداع میں اکمال دین کا اعلان کردیا گیا تو اس کے بعد کسی نئے دین کے نازل ہونے کا احتمال ہی ختم ہو گیا ۔جبکہ حالات کے تغیر کا سلسلہ جاری ہے ،حالات کے تغیر کا یہ دھارا کہیں رکنے والا نہیں بلکہ اب تو بڑی تیزی کے ساتھ حالات بدل رہے ہیں اور بدلتے رہیں گے او ر جب جدید حالات آتے ہیں تو جدید مسائل ساتھ لاتے ہیں ۔ جدید حالات کے ساتھ جدید مسائل کا پیدا ہونا لازمی بات ہے او ر ایک فطرتی امرہے ۔سوال یہ ہے کہ جب نبی پاک ۖ کے بعد کسی نبی نے آنا نہیں ، دین اسلام کے بعد کسی او ر دین کا امکان نہیں تو ان جدید مسائل کا حل کیسے ہوگا؟نیز قرآن وحدیث میں بھی ان جدید مسائل کا حل موجود نہیں تو یہ دین کا مل و مکمل کیسے ہوا؟ چند مسائل بطورِ مثال ملاحظہ فرمائیں : اعضاء کی پیوند کاری.. ...ٹیلیفون کے ذریعہ نکاح اور خرید و فروخت.. ... بحالتِ روزہ انجکشن یاڈرپ لگوانا..... ہوائی جہاز میں نماز کا حکم...... نمازی کی ثنا ء رہ گئی خواہ امام ہویا منفرد یامقتدی تو اس کی نماز صحیح ہے یا فاسد یا مکروہ ؟ اس پر سجدہ سہو لازم ہے یانہیں؟.......نمازی نے زبان سے تکبیر تحریمہ کہے بغیرنماز شروع کی تو نماز صحیح ہے یا فاسد یا مکروہ ؟ اس پر سجدہ سہو واجب ہے یا نہیں؟ .......منفرد اور مقتدی تکبیر تحریمہ بلند آواز سے کہیں یا آہستہ ؟.......نمازی نے زبان سے تکبیر