ماہنامہ انوار مدینہ لاہور مارچ 2003 |
اكستان |
 |
اس سے بھی بڑھ کر مسلمانوںکے ایمان واعتقاد کی حفاظت بھی حکومت کا فرض بنتا ہے لہٰذا ہمارا حکومت سے پُر زور مطالبہ ہے کہ شفا کے نام پر اس پُر فریب اشتہار کے درپردہ عیسائی مذہب کے پرچار کی مہم کا نوٹس لیتے ہوئے اس کوفی الفور بند کر ائے تاکہ ضعیف الاعتقاد مسلمان کفرکی ظلمت سے بچتے ہوئے جہنم کا ایندھن بننے سے محفوظ رہیں ۔ خدا کا کلام اور تعلیمات اس وقت دنیا میں صرف قرآن و حدیث کی شکل میں موجود ہیں باقی تمام تعلیمات آخری نبی حضرت محمد ۖ کی تشریف آوری کے بعد منسوخ ہو چکی ہیں اور ان مذہب والوں نے بھی ان کو تحریف کرکے بالکل ختم کر دیا ہے لہٰذا ان کی سابقہ کتابیں اپنی اصل شکل میں دنیا سے بالکل معدوم ہو چکی ہیںاس لیے ڈاکٹر میرلین ہکی کا ''کلامِ خدا '' خودساختہ اور جھوٹا ہے بلکہ جادو ٹونہ سے زیادہ اس کی کچھ حیثیت نہیں ہے ۔ اس شعبدہ باز خاتون کی تصویر جو اشتہار کے ساتھ چھپی ہے اس سے ایسامعلوم ہوتاہے کہ وہ خود ''پولیو '' جیسے کسی مرض کی ماری ہوئی ہے اس لیے بہتر ہے کہ وہ اس خود ساختہ کلام کو پہلے اپنے پر آزمائے بعدازاں امریکہ و یورپ کے لاکھوں ''ایڈزدہ '' اپنے ہم مذہب عیسائیوں اور یہودیوں کی فکر کرے مسلمان اللہ تعالی کی تقدیر پر ایما ن رکھتے ہیں ان کے لیے قرآن پاک اور حدیث شریف میں بیان کی گئیں تعلیمات کافی و شافی ہیں۔