تحفہ تراویح |
سم اللہ |
 |
قرآن تو بس ایک نصیحت ہے اور یاد دہانی کرنے والی کتاب ہے ، جس کے دل میں خدا کا خوف ہو اور جو اللہ تعالیٰ کی پکڑ سے بچنا چاہے وہ سیدھا ہو جائے ، موسیٰ اور کوہ طور کا واقعہ موسیٰ اور معجزہ ،عصا اور ید بیضاء ، موسیٰ ؑ کی فرعون کے گھر میں پرورش کا ذکر ، موسیٰ ؑ کا دربار فرعون میں پہونچنا اور جادوگرں سے مقابلہ کا ذکر ،موسیٰ کا شہر سے نکل جانا ، فرعون کا تعاقب اور بالآخر اپنے لشکر سمیت غرق ہونا ،بنی اسرائیل کا وعدہ خلافیوں اور نافرمانیوں میں حد سے بڑھ جانا ، حتیٰ کہ بچھڑے کو خدا بنا لینا ،قیامت کا ذکر نماز کی تلقین فرماکر اخیر میں فرمایا گیا کہ دنیا میں کافروں کو عیش وعشرت کے جو سامان دئے گئے ہیں ان کی طرف آنکھ اٹھا کر بھی نہ دیکھو! اللہ کی دی ہوئی روزی بہتر اور باقی رہنے والی ہے ، سورۂ انبیاء کا آغاز ہوتا ہے اس سورۃ میں مسلسل کئی انبیاء کا تذکرہ ہے اس لئے اس کو سورۃ الانبیاء کہا گیا ، روز قیامت اور حساب وکتاب کی تیاری سے غفلت پر تنبیہ کی گئی ہے ۔ قرآن کے ذریعہ لوگوں کو ہر قسم کی نصیحت وفہمائش کر دی گئی ہے ،اب سب اپنا اپنا برا بھلا انجام سونچ لیں ، اللہ کے غصہ اور غضب سے بچانے والا کوئی نہیں ، فرضی معبود اپنے پوجنے والوں کی کیا مدد کرینگے ، قیامت کے دن رتی رتی کا حساب ہوگا اگر رائی برابر بھی کسی کا عمل ہوگا تو وہ بھی تولا جائیگا ، اللہ کا عذاب آخری اور فیصلہ کن ہوگا ، اللہ ہم سب کو عمل کی توفیق عطا فرمائے ۔ آمین