تحفہ تراویح |
سم اللہ |
 |
برا ہوگا ، اے لوگو ! اس شخص سے بڑا ظالم کو ن ہوگا جو اللہ پر جھوٹ بہتان گھڑے، اوراسکی آیات کے مقابلہ میں سر کشی کرے، اللہ تعالیٰ نے قیامت کا وعدہ فرمایا ہے، اور وہ یقینا آنے والی ہے ، ظالم کبھی فلاح نہیں پائینگے ،اللہ تعالیٰ حضور ﷺ سے ارشاد فرماتے ہیں کہ ایمان لانے والوں سے کہہ دو کہ منکرین اللہ کے سوا جن کو پکارتے ہیں ان کو گالی نہ دو کہیں ایسا نہ ہو کہ وہ جوابا اللہ کے حق میں زبان درازی اور گستاخی کرنے لگے ، اللہ کا ارشاد ہیکہ اے محمد ﷺ کہہ دو کہ مجھے میرے پردوردگار نے سیدھا راستہ دکھایا ہے میری نماز میری عبادت میرا جینا اور میرا مرنا سب اللہ کیلئے ہے جس کا کوئی شریک نہیں ۔ اس سورت میں مندرجۂ ذیل ہدایات وتاکیدات ہیں ۔ ۱) اللہ کے ساتھ کسی کو شریک نہ کرو! ۲) والدین کے ساتھ نیک سلوک کرو ! ۳) اپنی اولاد کو مفلسی کے ڈر سے قتل نہ کرو !رزق دینا اللہ کے اختیار میں ہے ۔ ۴) بے حیائی اور بے شرمی کی باتوں کے قریب بھی نہ پھٹکو ! ۵) کسی جان کو ہلا ک مت کرو !مگر حق کے ساتھ ۔ ۶) ناپ اور تول میں پورا پورا انصاف کرو ! ۷) بات انصاف کی کرو خواہ معاملہ رشتہ دار کا ہی کیوں نہ ہو ۔ ۸) قول وقرار پورا کرو !خواہ اللہ سے ہو یا اس کے بندوں سے ،بے شک سزا دینے میں اللہ بہت تیز ہے ،اور بہت درگذر کرنے والا ہے ،رحم فرمانے والا بھی ہے ۔