تحفہ تراویح |
سم اللہ |
کے دیگر معجزات کا ذکر بھی کیا گیا ، قرآن نے یہ بھی یقین دلایا ہیکہ حضرت عیسی علیہ السلام کو اللہ تعالیٰ نے آسمان پر زندہ اٹھا لیا نہ انکو قتل کیا گیا نہ صولی دی گئی رسول اللہ ﷺ نے خبر دی ہے کہ قرب قیامت میں دجال کو ہلاک کرنے کیلئے حضرت عیسی علیہ السلام نازل ہونگے اور پھر وفات پائینگے ، لیکن عیسائی اپنے اس عقیدہ پر ہیں کہ ان کو صولی دی گئی تھی ۔ یہودیوں کی طرح عیسائی بھی اسلام کی دعوت کے سخت مخالف تھے چنانچہ حضور ﷺ اور عیسائیوں کے درمیان مباہلہ یعنی ایک قسم کی شرط قرار پائی کہ دونوں فریق اپنے اپنے اہل وعیال کو لیکر اکٹھا ہوں اور اللہ تعالیٰ سے دعا کریں کہ اے اللہ ہم میں جو فریق باطل اور جھوٹ پر ہوں اس پر اپنی لعنت فرما ، لیکن عیسائی اس قول وقرار پر قائم نہیں رہے اور مباہلہ کرنے کی ہمت نہ کر سکے ،اللہ تعالیٰ جھوٹی قسمیں کھانے کی سخت ممانعت فرماتا ہے ۔ اللہ تعالیٰ نے مال ودولت کو بندے کیلئے آزمائش قرار دیا ہے اور بخل سے منع فرمایا ہے مال واولاد نجات کا ذریعہ نہیں ہیں ، نجات تقویٰ اور پرہیز گاری سے حاصل ہو تی ہے ، مومن قرآن پر ایمان رکھتا ہے اور عاجزی سے اللہ کے حضور میں دعائیں مانگتا ہے ،وہ قرآن کا معاوضہ نہیں لیتا ، مومن کے نیک اعمال کا صلہ اس کے رب کے پاس ہے ،تاکید فرمائی گئی ہے کہ اے ایمان والو ! جب تمہارا کفار سے مقابلہ ہو تو میدان میں ثابت رہو اور اپنے مورچوں پر ڈٹے رہو اس سورۃ میں اللہ نے اپنے پیارے نبی ﷺ کی نرم خوئی اور خوش اخلاقی بیان فرمائی اور حضور ﷺ کی اس صفت کو اسلام کی دعوت کی کامیابی کا سبب بتا یا ہے ۔ ٭٭٭٭٭٭٭٭٭