ماہنامہ انوار مدینہ لاہور جنوری 2017 |
اكستان |
 |
کے ہر دلعزیز اُستاذ گرامی تھے، سے رجوع کیا۔ حضرت شاہ صاحب نے بیعت تو نہیں فرمایا لیکن تعلیم دیتے رہے، حضرت شاہ صاحب جب دیوبند سے ڈابھیل تشریف لے گئے تو حضرت حکیم الاسلام نے حکیم الامت حضرت مولانا اشرف علی تھانوی رحمة اللہ علیہ سے رجوع کااِرادہ فرمایا اور حضرت مولانا حبیب الرحمن عثمانی نے اِس سلسلے میں سفارشی خط حضرت حکیم الامت کوتحریر فرمایا جس کے جواب میں حضرت حکیم الامت نے اصولی بات تحریر فرمائی : '' وہ (قاری طیب صاحب) میری اولاد کی طرح ہے جب چاہے آجائے لیکن اصول کا تقاضا یہ ہے کہ وہ اپنے بارے میں خود لکھے۔'' یہاں سے حکیم الامت کی اصول پسندی ظاہر ہوتی ہے جسے لوگ سختی کہتے ہیں حالانکہ یہ سختی نہیں آسانی ہے اور انسان کو صحیح انسان بنانے میں ممدثابت ہوتی ہے۔ حضرت حکیم الاسلام نے حضرت حکیم الامت کو خط لکھا جس کا جواب حضرت حکیم الامت نے بڑا مشفقانہ دیا : ''تو میری اولاد ہے، کسی کی سفارش کی ضرورت نہیں جب بھی فرصت ہو فورًا آجاؤ'' حضرت حکیم الاسلام خود فرماتے ہیں : ''اتنے میں رمضان کامہینہ آگیا، میں نے دارُ العلوم کی مسجد میں ڈیڑھ پارہ روزانہ سنا کر بیس دنوں میں قرآنِ پاک ختم کرلیا اور ٢٠ رمضان کو تھانہ بھون حاضر ہو گیا اور آخری عشرہ گزارنے کا پروگرام تھا، اطلاع پہلے دے چکا تھا جس دن پہنچا وہ جمعہ کادن تھا، مسجد نمازیوں سے بھری ہوئی تھی خانقاہ کے دروازے پرمولانا شبیر علی صاحب میرے منتظر تھے، اُن سے مصافحہ ہوا، میرے ہمراہ مفتی محمد شفیع صاحب بھی تھے ہم لو گوں کے پہنچتے ہی بھائی شبیر علی نے فرمایا کہ حضرت نے سلام فرمایا ہے اور