ماہنامہ انوار مدینہ لاہور جنوری 2017 |
اكستان |
|
حرف آغاز سید محمود میاں نَحْمَدُہ وَنُصَلِّیْ عَلٰی رَسُوْلِہِ الْکَرِےْمِ اَمَّا بَعْدُ ! ٢٢دسمبر کے روزنامہ نوائے وقت کی ایک خبر ملاحظہ فرمائیں : ''نیو یارک (آن لائن)امریکہ میں نیو یارک جانے والی پرواز میں عربی بولنے پر نوجوان احمد صالح کو آف لوڈ کر دیا گیا،پوچھ گچھ کے بعد دوسری فلائٹ سے روانہ کیا گیا ۔احمد صالح نے اپنی والدہ سے عربی زبان میں بات کی جس پر اُسے جہاز سے آف لوڈ کر دیا گیا۔'' اسی تاریخ کو شائع ہونے والی ایک اور خبر بھی ملاحظہ فرمائیں : ''واشنگٹن (آئی این پی+آن لائن)امریکہ میں مسلمان خواتین کی بڑی تعداد نے جان کے ڈر سے پردہ کرنا چھوڑ دیا۔تحقیقاتی ادارے ایف بی آئی کی چونکا دینے والی رپورٹ میں کہا گیا ہے کہ مسلمانوں کے خلاف نفرت انگیزواقعات میں ٦٧ فیصد اضافہ ہوچکا ہے ،دریں اثناء نیو یارک میں فوڈ سٹور کے باہر مسلمان لڑکی کے چہرے پر کھولتی ہوئی کافی پھینک دی گئی۔٣٤ سالہ لیتھن گرے نے ٢١سالہ مسلم لڑکی کو اپنا بیگ بھی دے مارا اور اُس کا گلا بھی دبوچ لیا، ملزم کو گرفتار کرلیا گیا ۔''