ماہنامہ انوار مدینہ لاہور جنوری 2017 |
اكستان |
|
درسِ حدیث حضرت اَقدس پیر و مرشد مولانا سیّد حامد میاں صاحب کے مجلسِ ذکر کے بعد درسِ حدیث کا سلسلہ وار بیان ''خانقاہِ حامدیہ چشتیہ'' رائیونڈ روڈ لاہور کے زیرِاِنتظام ماہنامہ'' اَنوارِ مدینہ'' کے ذریعہ ہر ماہ حضرت اقدس کے مریدین اور عام مسلمانوں تک با قاعدہ پہنچایا جاتا ہے، اللہ تعالیٰ حضرتِ اَقدس کے اِس فیض کو تا قیا مت جاری و مقبول فرمائے۔ (آمین)کثرتِ استغفار قرب کا ذریعہ اَلْحَمْدُ لِلّٰہِ رَبِّ الْعَالَمِیْنَ وَالصَّلٰوةُ وَالسَّلَامُ عَلٰی خَیْرِ خَلْقِہ سَیِّدِنَا وَمَوْلَانَا مُحَمَّدٍ وَّاٰلِہ وَاَصْحَابِہ اَجْمَعِیْنَ اَمَّابَعْدُ ! آقائے نامدار ۖ کے ایک صحابی حضرت ثوبان رضی اللہ تعالیٰ عنہ فرماتے ہیں کہ میں نے جنابِ رسول اللہ ۖ سے یہ سنا کہ مَا اُحِبُّ اَنَّ لِیَ الدُّنْیَا بِھٰذِہِ الْاٰیَةِ ( یَا عِبَادِیَ الَّذِیْنَ اَسْرَفُوْا عَلٰی اَنْفُسِھِمْ لَا تَقْنَطُوْا مِنْ رَّحْمَةِ اللّٰہِ ) یعنی میں یہ نہیں پسندکرتا کہ اِس آیت کے بد لے مجھے ساری دُنیا ملے، آیت کاتر جمہ یہ ہے اے میرے بندو ! جنہوں نے اپنے نفس پر زیادتیاں کی ہیں حق تعالیٰ کی رحمت سے مایوس نہ ہونا (اِنَّ اللّٰہَ یَغْفِرُ الذُّنُوْبَ جَمِیْعًا) یقینا اللہ تعالیٰ تمام گناہ بخش دیں گے (اِنَّہ ھُوَ الْغَفُوْرُالرَّحِیْمُ ) بے شک وہی بخشش اور نہایت رحم والا ہے۔ آقائے نامدار ۖ کا یہ اِرشاد سن کرایک صحابی نے دریافت فرمایا کہ فَمَنْ اَشْرَکَ یعنی جو شرک کرے اُس کے بارے میں کیا حکم ہے ؟ فَسَکَتَ النَّبِیُّ ۖ پس نبی اکرم ۖ یہ سن کر خاموش ہو ئے ثُمَّ قَالَ اَلاَ وَمَنْ اَشْرَکَ ١ تھوڑی دیر بعد اِرشاد فرمایا کہ ہاں وہ بھی جس نے شرک کیاہواور بعد میں تائب ہو چکا ہو۔ ------------------------------١ مشکوة شریف کتاب الدعوات رقم الحدیث ٢٣٦٠