ماہنامہ انوار مدینہ لاہور جنوری 2017 |
اكستان |
 |
مکتوبات کے شروع میں بسم اللہ لکھواتے تھے یہاں تک کہ ( قُلِ ادْعُوا اللّٰہَ اَوِ ادْعُوا الرَّحْمٰنَ ) نازل ہوئی تو پھر حضور پُر نور ۖ والا ناموں کے شروع میں یوں لکھواتے بِسْمِ اللّٰہِ الرَّحْمٰنِ یہ سلسلہ یوںہی چلتا رہا حتی کہ سورہ نمل کی آیت ( اِنَّہ بِسْمِ اللّٰہِ الرَّحْمٰنِ الرَّحِیْم ) کا نزول ہوا تو پھر آنحضرت ۖ والا ناموں کے آغاز میں مکمل بسم اللہ تحریر کراتے تھے۔ اس سے واضح ہوتا ہے کہ بسم اللہ اُمت ِ محمدیہ علی صاحبہا الصلٰوة والسلام کے خصائص میں سے ہے۔ جواب : لیکن یہ ٹھیک نہیں کیونکہ پہلی کتابیں غیرعربی میں تھیں جو آنحضرت ۖ نہیں جانتے تھے لہٰذا عدمِ علم سے نفی لازم نہیں آتی۔بسم اللہ کے متعلق مذاہب کی تحقیق : (١) اہلِ مدینہ جیسے امام مالک وغیرہ، اہلِ شام جیسے امام اوزاعی وغیرہ، اہلِ بصرہ جیسے ابو عمرو، یعقوب اورامام ابو حنیفہ وغیرہ ،فقہا ئے کوفہ کا مذہب یہ ہے کہ بسم اللہ نہ سورہ فاتحہ کا جزو ہے اور نہ کسی اور سورة کا بلکہ تبرکاً (یا دو سورتوں کو جدا کرنے کے لیے) ہر سورت کا آغاز اِس سے ہوا ہے اور تکرار تبرکاً ہے البتہ جز و قرآ ن ضرور ہے۔ (٢) امام سفیان ثوری، ابن ِمبارک ،امام شافعی ،اہلِ مکہ جیسے ابن کثیر ،امام عاصم کوفی، امام کسائی ،غالب اصحاب شافعی اور اِمامیہ کا مذہب یہ ہے کہ سورہ براء ة کے علاوہ تمام سورتوں سے مستقل آیت ہے بطور ِدلیل یہ حدیث پیش کی جاتی ہے جس کو حاکم نے سند ِصحیح کے ساتھ ( وَلَقَدْ اٰتَیْنَاکَ سَبْعًا مِّنَ الْمَثَانِیْ وَالْقُرْآنَ الْعَظِیْمَ)کی تفسیر میں سعید بن جبیر کی یہ روایت بیان کی ہے کہ سبع مثانی اُم القرآن سورہ فاتحہ ہے اور بسم اللہ الر حمن الر حیم اِس کی ساتویں آیت ہے ۔عبد اللہ بن عباس نے اس کو اِس طرح پڑھا جس طرح میں نے پڑھا اور پھر فرمایا کہ بسم اللہ الر حمن الر حیم ساتویں آیت ہے۔ دوسری دلیل : ترمذی کی حدیث ہے جو حضرت ابن عباس رضی اللہ عنہما سے مروی ہے کہ رسول اکرم ۖ اپنی نماز بسم اللہ الر حمن الر حیم سے شروع کیا کرتے تھے تو معلوم ہوا کہ بسم اللہ الرحمن الرحیم ہر سورة کا جزو ہے۔