ماہنامہ انوار مدینہ لاہور نومبر 2016 |
اكستان |
 |
علمی مضامین سلسلہ نمبر١٣ ، قسط : ٢ ''خانقاہِ حامدیہ''نزد جامعہ مدنیہ جدید رائیونڈ روڈ لاہورکی جانب سے محدث ، فقیہ، مؤرخ، مجاہد فی سبیل اللہ،مؤلف کتب کثیرہ شیخ الحدیث حضرت اَقدس مولانا سیّد محمد میاں صاحب رحمة اللہ علیہ کے بعض اہم مضامین جو تاحال طبع نہیں ہوسکے اُنہیں سلسلہ وار شائع کرنے کا اہتمام کیا گیا ہے جبکہ اُن کی نوع بنوع خصوصیات اِس بات کی متقاضی ہیں کہ اِفادۂ عام کی خاطر اُن کو شائع کردیا جائے۔ اِسی سلسلہ میں بعض وہ مضامین بھی شائع کیے جائیں گے جو بعض جرا ئد و اَخبارات میں مختلف مواقع پر شائع ہو چکے ہیں تاکہ ایک ہی لڑی میں تمام مضامین مرتب و یکجا محفوظ ہو جائیں۔ (اِدارہ)حیاتِ سیّدناآدم علیہ السلام ( حضرت اَقدس مولاناسیّد محمد میاں صاحب )حضرت آدم علیہ السلام کو دوبارہ جنت میں کیوں نہیں واپس کیا گیا ؟ غلطی معاف ہوئی لیکن سوال یہ ہے کہ معافی کے بعددوبارہ جنت میں کیوں نہیں پہنچایا گیا ؟ لیکن جو شخص اِس حقیقت سے واقف ہے اُس کوکوئی خلجان پیدا نہیں ہو سکتا (کہ خدا وند عالم نے جس طرح ہر چیز میں تاثیر پیداکی ہے اِسی طرح انسانی عمل میں بھی تاثیر پیدا کر دی جو قانونِ قدرت کے بموجب احکامِ الٰہی کے ماتحت ظہور پذیر ہوتی رہتی ہے)جرم کی معافی اور چیز ہے اور عمل کی تاثیر دُوسری چیز ، جرم کے معاف ہونے سے یہ لازم نہیں آتا کہ عمل کی تاثیر بھی ختم ہوجائے، کوئی انسان شکار پر گولی چلائے وہ کسی انسان کے لگ جائے اگرچہ غلطی ہے مگر اِس بناء پر کہ غلطی ہے موت کو دفع نہیں کیا جا سکتا، گناہ بے شک نہیں مگر قتل ِنفس جو اِضطراری طور پر سر زد ہو گیا اُس کی بناء پر شریعت نے کفارہ مقرر کر دیا،