ماہنامہ انوار مدینہ لاہور نومبر 2014 |
اكستان |
|
اَخبار الجامعہ ( جامعہ مدنیہ جدید محمد آباد رائیونڈ روڈ لاہور ) جامعہ مدنیہ جدید کے اُستاذ الحدیث حضرت مولانا محمد حسن صاحب دامت برکاتہم، ناظم کتب خانہ مولانا اِنعام اللہ صاحب اور مدرس مولانا اِسماعیل صاحب حج کی سعادت حاصل کرنے کے بعد بخیر وعافیت واپس تشریف لے آئے،والحمد للہ۔ ١٩اکتوبر کو شیخ الحدیث حضرت مولانا سیّد محمود میاں صاحب شیخ الہند اکادمی کے زیر اہتمام ہونے والے ''فقیہ ملت سیمینار''میں شرکت کی غرض سے ایوانِ اِقبال تشریف لے گئے جہاں آپ نے حضرت گنگوہی کی سیرت پر خطاب فرمایا۔ ٢٣اکتوبر کو شیخ الحدیث حضرت مولانا سیّد محمود میاں صاحب ''سالانہ ختم نبوت کانفرنس'' میں شرکت کی غرض سے چناب نگر تشریف لے گئے۔ ٢٦اکتوبر کو شیخ الحدیث حضرت مولانا سیّد محمود میاں صاحب پنجاب یونیورسٹی نیو کیمپس تشریف لے گئے جہاں ختم نبوت سے متعلق اُمور پر مختلف یونیورسٹیوں کے پروفیسر صاحبان سے خطاب فرمایا۔