ماہنامہ انوار مدینہ لاہور نومبر 2014 |
اكستان |
 |
ہیں ؟ آپ ۖ نے فرمایا : اَولاد کی جنت اور دوزخ ماں باپ ہیں( یعنی اُن کی خدمت سے جنت مل سکتی ہے اور اُن کی نافرمانی اور بدسلوکی دوزخ میں لے جانے والی ہے)۔'' ایک اور حدیث میں ہے آپ ۖ نے فرمایا کہ : ''ماں باپ کی خدمت واِطاعت کرنے والا لڑکا یا لڑکی جتنی دفعہ بھی محبت اور عظمت کی نگاہ سے ماں باپ کی طرف نظر کرے تو اللہ تعالیٰ ہر دفعہ کے دیکھنے کے بدلے میں ایک مقبول حج کا ثواب اُس کے لیے لکھ دیتے ہیں۔ لوگوں نے حضور ۖ سے سوال کیا کہ حضرت ! اگر وہ روزانہ سو دفعہ دیکھے جب بھی ہر دفعہ دیکھنے کے بدلے میں اُس کو ایک مقبول حج کا ثواب ملے گا ؟ حضور ۖ نے فرمایا ہاں! اللہ بہت بڑا ہے اور بہت پاک ہے (مطلب یہ ہے کہ اُس کے یہاں کوئی کمی نہیں، وہ جس عمل پر جتنا ثواب دینا چاہے دے سکتا ہے)۔'' ایک حدیث میں ہے : ''جنت ماں باپ کے پاؤں کے نیچے ہے۔'' ایک اور حدیث میں ہے کہ حضور ۖ نے صحابہ کرام کو سب سے بڑے گناہ یہ بتلائے : ''اللہ کے ساتھ شرک کرنا، ماں باپ کی نافرمانی کرنا اور جھوٹی گواہی دینا۔'' ایک اور حدیث میں ہے کہ ''تین قسم کے آدمی ہیں جن کی طرف اللہ تعالیٰ قیامت کے دِن رحمت کی نظر سے نہیں دیکھے گا، اُن میں سے ایک قسم کے وہ لوگ ہیں جو ماں باپ کی نافرمانی کرتے ہیں۔'' اَولاد کے حقوق : اِسلام نے جس طرح اَولاد پر ماں باپ کے حقوق مقرر کیے ہیں، اِسی طرح سے ماں باپ پر بھی اَولاد کے کچھ حق رکھے ہیں جہاں تک اُن کو کھلانے پلانے اور پہنانے کے حق کا تعلق ہے اِس کے