ماہنامہ انوار مدینہ لاہور نومبر 2014 |
اكستان |
 |
یہودی نے کہا : اَمیر المومنین خود سے مسلمانوں کے قاضی کے پاس آئے اور اُس نے اِن کے خلاف فیصلہ دیا اور اِس پر وہ راضی رہے، واللہ ! اے اَمیر المومنین آپ نے سچ کہا تھا یہ آ پ ہی کی زِرہ ہے، آپ کے اُونٹ سے گری تھی جس کو میں نے اُٹھا لیا تھا اَشْھَدُ اَنْ لَّااِلٰہَ اِلَّا اللّٰہُ وَاَشْھَدُ اَنَّ مُحَمَّدًا رَّسُوْلُ اللّٰہِ ، حضرت علی نے وہ زِرہ اُس کو بخش دی اور وہ شخص جو اِسلام لایا تھا ہمیشہ آپ کے ساتھ رہا اور صفین کے موقع پر شہید ہوا۔ '' ( اَلمرتضیٰ ص ٣٠٤ ) وفیات حضرت مولانا محمد عاشق اِلٰہی صاحب بلند شہری ثم المدنی رحمة اللہ علیہ کی اہلیہ صاحبہ طویل علالت کے بعد ١٠اکتوبر کو مدینہ منورہ میں اِنتقال فرما گئیں۔ اللہ تعالیٰ مرحومہ کی مغفرت فر ماکر جنت الفردوس میں اَعلیٰ مقام عطا فرمائے اور لواحقین کو صبرِ جمیل کی توفیق نصیب ہو۔ بانیٔ جامعہ بڑے حضرت رحمة اللہ علیہ کے برادرِ نسبتی اور شیخ الاسلام حضرت مولانا سیّد حسین احمد مدنی کے شاگرد اور مرید ،مولانا مفتی محمود الحسن صاحب گنگوہی کے خلیفہ اورحضرت مولانا عبدالحق صاحب مدنی کے صاحبزادے حضرت مولانا محمد اِسماعیل صاحب عثمانی طویل علالت کے بعد دیوبند میں ١٤اکتوبر کو ٨٣برس کی عمر میںاِنتقال فرماگئے۔اللہ تعالیٰ اُن کی مغفرت فرماکر جنت الفردوس میں اَعلیٰ مقام عطا فرمائے اور لواحقین کو صبرِ جمیل کی توفیق نصیب ہو۔ ٢٥ اکتوبر کو محترم سیّد اَسرار صاحب بخاری کی اہلیہ صاحبہ لاہور میں وفات پاگئیں۔ اِنَّا لِلّٰہِ وَاِنَّا اِلَیْہِ رَاجِعُوْنَ جامعہ مدنیہ جدید اور خانقاہِ حامدیہ میں مرحومین کے لیے اِیصالِ ثواب اور دُعائے مغفرت کرائی گئی اللہ تعالیٰ قبول فرمائے ،آمین۔