ماہنامہ انوار مدینہ لاہور اپریل 2014 |
اكستان |
|
درسِ حدیث حضرت اَقدس پیر و مرشد مولانا سیّد حامد میاں صاحب کے مجلسِ ذکر کے بعد درسِ حدیث کا سلسلہ وار بیان ''خانقاہِ حامدیہ چشتیہ'' رائیونڈ روڈ لاہور کے زیرِانتظام ماہنامہ'' اَنوارِ مدینہ'' کے ذریعہ ہر ماہ حضرت اقدس کے مریدین اور عام مسلمانوں تک با قاعدہ پہنچایا جاتا ہے۔ اَللہ تعالیٰ حضرتِ اَقدس کے اِس فیض کو تا قیا مت جاری و مقبول فرمائے۔ (آمین) ( کیسٹ نمبر 78 سائیڈA 01 - 11 - 1987 ) اللہ کا شریک ٹھہرانا عقلاً بھی برا ہے ۔ صرف ''اللہ''کے نام کی قسم کافر والدین اور حسن ِ سلوک۔گناہ کے کام میں والدین کی اِطاعت نہیں کرنی ''صغیرہ ''گناہ بھی ''کبیرہ'' بن جاتا ہے اَلْحَمْدُ لِلّٰہِ رَبِّ الْعَالَمِیْنَ وَالصَّلٰوةُ وَالسَّلَامُ عَلٰی خَیْرِ خَلْقِہ سَیِّدِنَا وَمَوْلَانَا مُحَمَّدٍ وَّاٰلِہ وَاَصْحَابِہ اَجْمَعِیْنَ اَمَّابَعْدُ ! آقائے نامدار ۖ نے ایسی چیزیں جو معیوب ہیں اُن سے بھی منع فرمایا ہے،ایسی چیزیں جو عیب شمار ہوتی ہیں اُن میں بعض تو کبائر بتلائی گئیں جو چیزیں عیب شمار ہوتی ہیں وہ دو قسم کی ہیں : ایک تو وہ کہ جنہیں ہم سمجھ نہیں سکتے وہ اِعتقاد سے متعلق ہیں دِل سے متعلق ہیں وہ بتلائیں اور کچھ وہ ہیں جو اِنسان کی اپنی زندگی میں پیش آتی رہتی ہیں معاملات ہوئے یا اور چیزیں ہوئیں اِس طرح کی۔ تو ایک دفعہ اِرشاد فرمایا کہ اَلْکَبَائِرُ کبیرہ گناہ یہ ہیں اَلْاِشْرَاکُ بِاللّٰہْ اللہ کے ساتھ کسی کو شریک ماننا ،دُوسرے عُقُوْقُ الْوَالِدَیْنِ ماں باپ کی نافرمانی کرنا، تیسرے قتل کرنا اور چوتھے اَلْیَمِیْنُ الْغَمُوسْ ١ جان بوجھ کرجھوٹی قسم کھانا۔ اور بعض روایتوں میں ایک اور چیز بھی ذکر فرمائی گئی وَشَھَادَةُ الزُّوْرِ ٢ جھوٹی گواہی ۔ ١ مشکوة شریف کتاب الایمان رقم الحدیث ٥٠ ٢ ایضًا رقم الحدیث ٥١