ماہنامہ انوار مدینہ لاہور اپریل 2014 |
اكستان |
|
قسط : ٢٥ سیرت خُلفَا ئے راشد ین ( حضرت مولانا عبدالشکور صاحب فاروقی لکھنوئی ) اَمیر المؤمنین حضرت عثمان بن عفّان ذوالنّورین نام مبارک آپ کا عثمان اور لقب ذالنورین ١ نسب آپ کا پانچویں پشت میں رسولِ خدا ۖ سے ملتا ہے یعنی عبد مناف کے دو فرزندوں میں سے ایک کی اَولاد میں رسولِ خدا ۖ ہیں اور ایک کی اَولاد میں حضرت عثمان رضی اللہ عنہ ۔اور آپ کی والدہ ارمویٰ رسولِ خدا ۖ کی پھوپھی اُمِ حکیم بنت عبدالمطلب کی صاحبزادی تھیں، یہ اُمِ حکیم وہی ہیں جو رسولِ خدا ۖ کے والد حضرت عبداللہ کے ساتھ تو ام پیدا ہوئی تھیں، غرضیکہ باپ اور ماں دونوں کی طرف سے بہت قرابت رسولِ خدا ۖ کے ساتھ رکھتے تھے۔ ١ یہ لقب اِس سبب سے ہوا کہ رسولِ خدا ۖ کی دو نورِ نظر یعنی حضرت رُقیہ رضی اللہ عنہا اور حضرت اُمِ کلثوم رضی اللہ عنہا آپ کے نکاح میں آئیں۔ حضرت عثمان کے سوا دُنیا میں کوئی شخص ایسا نہیں ہوا جس کے نکاح میں کسی نبی کی دو بیٹیاں آئی ہوں۔(تاریخ الخلفائ) ولادت آپ کی واقعہ فیل کے چھ برس بعد ہوئی۔ حضرت اَبو بکر صدیق رضی اللہ عنہ کی رہنمائی سے مشرف بہ اِسلام ہوئے۔ حضرت فاروقِ اَعظم رضی اللہ عنہ سے بہت پہلے اور حضرت اَبو عبیدہ بن جراح رضی اللہ عنہ اور حضرت عبدالرحمن بن عوف رضی اللہ عنہ سے ایک روزپہلے دولت ِ اِیمان حاصل فرمائی۔ قد آپ کا متوسط اور رنگ سفید مائل بہ زردی تھا۔ چہرۂ مبارک پر چیچک کے چند نشانات تھے سینہ کشادہ تھا، داڑھی گھنی تھی، سر میں بال رکھتے تھے ،اَخیر عمرمیں زرد خضاب بالوں میں لگاتے تھے اور