ماہنامہ انوار مدینہ لاہور فروری 2014 |
اكستان |
|
شیخ الہند عالمی اَمن فورم قائم کرنے سے متعلق تجویز تحریک شیخ الہند صد سالہ تقریبات کے موقع پر منعقدہ عظیم الشان اَمن ِعالم کانفرنس ضرورت محسوس کرتی ہے کہ حضرت شیخ الہند کے اَفکار و نظریات کے حوالہ سے منعقد اِس کانفرنس کے اِعلامیہ کو عملی جامہ پہنانے کے لیے شیخ الہند عالمی اَمن فورم قائم کیا جائے۔ شیخ الہند عالمی اَمن فورم کے قیام کی تجویز اِتفاقِ رائے سے منظور کی گئی۔ جمعیة علمائِ ہند ١۔بہادر شاہ ظفر مارگ نئی دہلی بسم اللّٰہ الرحمن الرحیم حضرت شیخ الہند محمود حسن صاحب دیوبندی نور اللہ مرقدہ کی قیمتی نصائح ( مرتب : حضرت مولانا قاری سیّد محمد عثمان صاحب منصور پوری، صدر جمعیة علمائِ ہند ) اِقتباس : (١) اِقتباس اَز خطبہ صدارت حضرت شیخ الہند، بہ موقع اِجلاس تاسیسی جامعہ اِسلامیہ دہلی منعقدہ ٢٩اکتوبر ١٩٢٠ء علی گڑھ۔ ''میں خیال کرتا ہوں کہ میری قوم اِس وقت فصاحت و بلاغت کی بھوکی نہیں ہے اور نہ اِس قسم کی عارضی مسرتوں سے اُس کے دَرد کا اَصلی در ماں ہو سکتا ہے اِس لیے ضرورت ہے کہ ایک قائم و دائم جوش کی، نہایت صابرانہ ثبات قدمی کی، دلیرانہ مگر عاقلانہ طریق ِعمل کی، اپنے نفس پر قابو پانے کی غرض سے ایک پختہ کار بلند خیال اور ذی ہوش محمدی بنے کی۔ اے فرزندانِ توحید ! میں چاہتاہوں کہ آپ اَنبیا و مرسلین اور اُن کے وارثوں کے راستے پر چلیں اور جو لڑائی اِس وقت شیطان کی ذُرّیت اور خدائے قدوس کے لشکروں میں ہو رہی ہے اِس میں ہمت نہ ہاریں اور یاد رکھیں کہ شیطان کے مضبوط