ماہنامہ انوار مدینہ لاہور فروری 2014 |
اكستان |
|
دوزخ کے فرشتے بھی ١٩ ہیں جو شخص بسم اللہ پڑھے گا تو قیامت کے دِن جہنم کے ١٩ فرشتوں سے محفوظ رہے گا۔ (تفسیر قرطبی، دُر ِمنثور ج ١ ص ٩ ) بسم اللہ کی وجہ سے آخرت کے درجات : رسول اللہ ۖ نے فرمایا کہ جس دُعا کے شروع میں بسم اللہ الرحمن الرحیم پڑھی جاتی ہے وہ رَد نہیں ہوتی۔ قیامت کے دِن میری اُمت کی بسم اللہ الرحمن الرحیم پڑھنے کی وجہ سے نیکیاں بھاری ہوجائیں گی ،دُوسری قومیں کہیں گی کہ اُمت ِمحمدیہ کی نیکیاں کیوں بھاری ہیں اُن کے اَنبیاء فرمائیں گے کہ اُمت ِ محمدیہ کے کلام کے شروع میں اللہ کے ایسے عزت والے نام ہیں کہ اگر ایک پلڑے میںاُن کو رکھ دیا جائے اور دُوسرے پلڑے میں ساری مخلوق کے گناہ رکھ دیے جائیں تو نیکیوں کا پلڑا بھاری ہوگا۔ حضور ۖ نے فرمایا کہ اللہ تعالیٰ نے اِس آیت کو ہر بیماری کے لیے شفا، ہر مفلسی کے لیے دولت، دوزخ سے پردہ، زمین میں دھنسنے، صورتیں بگڑنے اور سنگ باری سے محفوظ رہنے کا ذریعہ بنایا ہے جب تک لوگ اِس کی تلاوت پر کاربند رہیں گے۔ (غُنیة الطالبین ص ١٥٧) ایک حدیث ِقدسی : رسول اللہ ۖ نے فرمایا کہ حضرت جبرئیل علیہ السلام قسم کھا کر یہ حدیث بیان فرماتے ہیں اور حضرت میکائیل علیہ السلام قسم کھا کر بیان فرماتے ہیںکہ حضرت اِسرافیل علیہ السلام اِسی طرح قسم کھا کر بیان فرماتے ہیں کہ اللہ تعالیٰ نے فرمایا کہ اے اِسرافیل میں اپنی عزت اور بخشش و جلال و کرم کی قسم کھا کر کہتاہوں کہ جو شخص بسم اللہ الرحمن الرحیم (کی میم) کو سورہ فاتحہ کے ساتھ مِلا کر ایک مرتبہ بھی پڑھ لے تو تم گواہ رہو کہ میں اُس کی زبان کو نہیں جلاؤں گا اور اُس کو جہنم اور قبر کے عذاب سے پناہ دُوں گا اور قیامت کے عذاب سے بچا لوں گا۔ (رُوح البیان) یہی بات شیخ اَکبر نے اپنی کتاب فتوحات میں لکھی ہے کہ جب تم سورہ فاتحہ پڑھو تب ایک ہی سانس میں بسم اللہ کے ساتھ سورہ فاتحہ مِلا کر پڑھو۔ (فضائلِ بسم اللہ ص ١٥)