M
حامداً ومصلاً!
بخدمت شریف جناب مولوی صاحب فتح الدین وجمال الدین
دو سوال آپ کی خدمت میں حسب ذیل درج ہیں۔
۱… مرزاقادیانی کے کامل مسلم ہونے کا ثبوت۔
۲… مرزاقادیانی کے مسیح موعود اور مہدی مسعود ہونے کا ثبوت۔
نوٹ: ہر دو سوال کا جواب قرآن شریف وصحیح حدیث واقوال صحابہ کے سوا نہ ہم پوچھتے ہیں اور نہ ہماری تسلی ہے۔ راقمان قاضی محمد ومحمد مہرالدین، علی محمد، عبداﷲ ورحیم بخش نمبردار ساکنان پکیوان۔ اس کا جواب جمال الدین قادیانی کی طرف سے جو آیا بعینہ لفظوں میں درج کیا جاتا ہے۔ ھو ہذا!
M
نحمدہ ونصلی علی رسولہ الکریم!
واضح ہو کہ اس وقت از جانب قاضی محمد مہرالدین وعلی محمد زرگر وعبداﷲ درزی ورحیم بخش نمبردار ساکنان پکیوان کی طرف سے دو سوال پیش ہوئے۔
۱… مرزاقادیانی کے کامل مسلم ہونے کا ثبوت۔
۲… مرزاقادیانی کے مسیح موعود اور مہدی مسعود ہونے کا ثبوت۔
جواب سوال اوّل، ہم جناب مرزاقادیانی کے اقوال سے دیتے ہیں۔ وہ یہ ہے۔ زعناق فرقان وپیغمبریم بدیں آمدم وبدیں بگذریم۔ ہمارے مذہب کا لب لباب یہ ہے کہ ’’لا الہ الا اﷲ محمد رسول اﷲ‘‘ ہمارا اعتقاد جو ہم اس دنیاوی زندگی میں رکھتے ہیں۔ جس کے ساتھ ہم بفضل وتوفیق باری تعالیٰ اس عالم گزاران سے کوچ کریں گے۔ یہ ہے کہ حضرت سیدنا ومولانا محمد مصطفیٰﷺ خاتم النبیین وختم المرسلین ہیں۔ جن کے ہاتھ سے اکمال دین ہو چکا ہے اور نعمت عزیمہ اتمام پہنچ چکی۔ جس کے ذریعے سے انسان راہ راست کو اختیار کر کے خداتعالیٰ تک پہنچ سکتا ہے اور ہم پختہ یقین کے ساتھ اس پر ایمان رکھتے ہیں کہ قرآن شریف خاتم کتب سماوی ہے اور ایک شوشہ یا نقطہ ان کی شرائع اور درود اور احکام اور اوامر سے زیاد نہیں ہوسکتا اور نہ کم ہوسکتا ہے اور اب کوئی ایسی وحی یا ایسا الہام من جانب اﷲ نہیں ہوسکتا کہ جو احکام قرآنی کی ترمیم یا تنسیخ یا کسی