کے ابدال اور عراق کے لوگ جماعتیں جماعتیں ہوکر آئیں گے۔ اور ان سے بیعت کریں گے۔ پھر قریش کا ایک شخص ظاہر ہوگا یعنی سفیانی جس کے ماموں قبیلہ بنو کلب سے ہوں گے۔ تو امام مہدی کی طرف لشکر بھیجے گا۔ تو امام مہدی علیہ السلام کے ہمراہی ان پر غالب آجاویں گے۔ اور یہ لشکر بنو کلب کا ہوگا اور امام مہدی لوگوں کو سنت نبویﷺ کے مطابق عمل کرائیں گے۔ اور اسلام زمین میں اطمینان کے ساتھ قرار پکڑے گا اور امام مہدی اس حالت میں سات سال تک رہیں گے۔ پھر وفات پائیں گے۔ اور مسلمان ان پر نماز جنازہ پڑھیں گے۔
جب مدینہ طیبہ تک یہ خبر پہنچے گی تو مدینہ شریف کے لوگ مکہ مکرمہ میں خلیفۃ اﷲ مہدی کی بیعت میں شامل ہوں گے۔ جب مہدی کعبہ سے نکلیں گے تو پہلے کعبہ کے دروازہ کے سامنے جو خزانہ مدفون ہے اس کو نکال کر مسلمانوں میں تقسیم فرمائیں گے۔
ترمذی کی حدیث جو حضرت ابو سعید خدریؓ سے روایت ہے کہ آنحضرتﷺ نے خبر دی کہ کوئی آدمی امام مہدی کے پاس آکر کہے گا اے مہدی مجھے کچھ دیجئے۔ کچھ عنایت کیجئے۔ آنحضرتﷺ فرماتے ہیں کہ امام مہدی اس کے کپڑے میں اتنا مال وزر ڈال دیں گے کہ وہ اٹھا نہ سکے گا۔ امام مہدی اتنی سخاوت فرمائیں گے کہ بغیر حساب وگنتی کے تقسیم کریں گے۔ بلکہ لپّیں بھر بھر کر دونوں ہاتھوں سے دیں گے۔
حضرت امام مہدی علیہ السلام مکہ مکرمہ سے رخصت ہوکر مدینہ طیبہ زیارت رسول اﷲﷺ سے مشرف ہوکر بمعہ لشکر راستہ میں کفار سے جہاد فرماتے ہوئے دمشق پہنچ جائیں گے۔
دجال کا ظاہر ہونا
ادھر دجال پھر پھرا کر شام اور عراق کے درمیان ایک راستے پر آنکلے گا۔ دجال کی ایک آنکھ ہوگی۔ دوسری آنکھ اور ابرو بالکل نہیں ہوگا۔ قد آور گدھے پر سوار ہوگا۔ پیشانی پر ک ا ف ر کافر لکھا ہوگا۔ جسے ہر مسلمان پڑھا اور ان پڑھ سب دیکھ لیں گے۔ دجال قوم یہودی سے ہوگا۔ لقب مسیح گنجے سر والا اور قد آور اول دعویٰ نبوت کرے گا۔ ہزاروں یہودی اس کے لشکر میں شامل ہوجائیں گے۔ تو پھر خدائی دعویٰ کرے گا۔ دجال ایک بڑے لشکر کے ساتھ دمشق کی طرف بڑھے گا۔
صحیح مسلم میں عبداﷲ بن مسعودؓ سے روایت ہے کہ ناگاہ جب لوگ غنیمت تقسیم کررہے ہوں گے۔ تو اس حال میں کوئی فریاد کرے گا۔ دجال لعین تمہارے اہل عیال میں آپڑا ہے۔ تو جو کچھ مال غنیمت ان کے ہاتھوں میں ہوگا سب ڈال دیں گے۔ اور سب اپنے گھروں کو دوڑ پڑیں